ԱՄՆ–ը եւ ՌԴ–ն ընդունել են Քուրդիստանի ժողովրդի անկախության իրավունքը. փորձագետ
Իրաքի Քուրդիստանում հանրաքվեն կայացել է՝ անկախ դրա լեգիտիմությունից։ Սեպտեմբերի 27–ին՝ լրագրողների հետ հանդիպման ժամանակ, նման կարծիք է հայտնել փորձագետ Կարեն Հովհաննիսյանը։
Նրա խոսքով՝ անգամ այնպիսի երկրներ, ինչպիսիք են ԱՄՆ–ը եւ Ռուսաստանը, անկախ այդ հանրաքվեի նկատմամբ իրենց բացասական վերաբերմունքից, ընդունել են փաստը, որ Քուրդիստանն անկախության իրավունք ունի։ «Իրաքի Քուրդիստանում հանրաքվեն ընթացավ բավականին հանգիստ մթնոլորտում, ինչը թեթեւակի նյարդայնացրեց հարեւան Թուրքիային»,– ասաց փորձագետը։
Ընդ որում, միջազգային դիտորդները, որոնք հետեւել են հանրաքվեի ընթացքին, ընդունել են դրա թափանցիկությունը։ Ֆրանսիացի դիտորդների ներկայացուցիչ Բեռնար Կուշների խոսքով՝ Քուրդիստանի ժողովուրդը փաստացի վաստակել է անկախության իրավունքը։ Փորձագետը հավելեց, որ Իսրայելի կապի նախարարն արդեն դիմել է իր կառավարությանը՝ կոչ անելով ճանաչել Քուրդիստանի անկախությունը։ Իրանն արդեն զորքեր է մոտեցրել Իրաքի Քուրդիստանի հետ սահմանին։ Սակայն, ինչպես նշեց Հովհաննիսյանը, Թեհրանն ընդգծել է, որ չի պատրաստվում ռազմական գործողություններ սկսել, այլ ցանկանում է միայն ապահովել իր սահմանների անվտանգությունը։
1
2
3
4
5
4
2
3
4
5
