Ի՞նչ անակնկալ են մատուցել ֆուլհաուսցիները Մենչի 42-ամյակին

Հումորիստ, դերասան, պրոդյուսեր Արմեն Պետրոսյանը երեկ 42 տարեկան է դարձել: BlogNews.am-ի հետ զրույցում Մենչը պատմել է տարեդարձի խնջույք չկազմակերպելու պատճառների և ֆուլհաուսցիների հետաքրքիր անակնկալի մասին:

«Օրս աշխատանքային է անցել: Տարեդարձս համընկել էր «Ֆուլ հաուս» ներկայացման օրվա հետ: Երեկոյան խնջույք չեմ կազմակերպել, բայց օրիգինալ շնորհավորանքների ու անակնկալների պակաս չեմ ունեցել: Առաջին բարեմաղթանքներն ընտանիքիս անդամներից եմ ստացել։ Օրս ուրախ եմ սկսել, քանի որ գիշերը բարձր տրամադրությամբ եմ քնել»:

Մենչն, առհասարակ, ծննդյան տոնը նշել չի սիրում: Քիչ են եղել դեպքերը, երբ նախապես պատրաստվել ու պլանավորել է օրը: Նվերների հարցում էլ քմահաճ չէ, արժեքը նյութականով չի պայմանավորում, կարևոր է, թե ով է այն նվիրել. «Լավագույն նվերը երեխաներիցս եմ ստացել, բացիկների տեսքով, որոնք նրանք անձամբ էին պատրաստել: Հոգով ասված բարեմաղթանքներից ու խոսքերից առավել արժեքավոր ոչինչ չի կարող լինել ինձ համար»:

«Ֆուլ հաուսի» երևանյան շոու-ներկայացման ժամանակ Մենչի ընկերներին, այդուհանդերձ, հաջողվել է հաճելիորեն զարմացնել նրան. «Ընկերներիս շնորհավորանքն իրոք անակնկալ էր ինձ համար: Բեմի լույսերը հանկարծակի անջատվեցին, ու նրանք հաճելի անակնակալ մատուցեցին: Չէի սպասում, անգամ մի պահ ինձ թվաց, թե տեխնիկական խոտան է, ինչպես հաճախ լինում է համերգների ժամանակ: Հանդիսատեսն էլ շատ բուռն արձագանքեց: Պետք է անկեղծ լինեմ՝ նույնիսկ հուզվեցի»:

Շարունակությունը՝ սկզբնաղբյուր կայքում