Մյասնիկյան պողոտայի բնակիչները դուրս են եկել փողոց. պահանջում են վերգետնյա անցում կառուցել
Ուշադրության կենտրոնում
Մյասնիկյան պողոտայի բնակիչներն այսօր՝ սեպտեմբերի 30-ին, բողոքի ակցիա են կազմակերպել՝ պահանջելով կառուցել վերգետնյա անցում:
Բնակիչներից Սոս Եդիգարյանը NEWS.am-ի հետ զրույցում պատմեց, որ նման խնդրանքով իրենք արդեն 3 տարի դիմում են մայրաքաղաքի իշխանություններից, որտեղից պատճառաբանում են՝ անցում կառուցելու գումար չկա:
«Եթե ես տանը չեմ լինում, թոռներիս մանկապարտեզ, դպրոց տանելու համար կինս ստիպված է լինում տաքսի պատվիրել, որովհետեւ անցում չկա ու չեն կարողանում փողոցն անցնել, ստիպված տաքսիով են գնում: Բացի դրանից տարածքում նույնիսկ մթերային խանութ չունենք, ստիպված ենք լինում հասնել Հերացի»,- ասաց Սոս Եդիգարյանը:
Նա նշեց նաեւ, որ վերգետնյա անցում չլինելու պատճառով պողոտայի այդ հատվածում հաճախ են վրաերթի դեպքեր լինում:
Առանց խնդրին լուծում տրվելու՝ ժամեր անց բնակիչները հեռացել են տարածքից: Բնակիչների հետ հանդիպման այդպես էլ քաղաքապետարանի աշխատակիցները չեն եկել:
1
2
3
4
5
2
3
5
1
2
3
4
5
