EnterTrain-ը ներկայացնում է 7 հաճոյախոսություն, որոնք կցանկանար լսել յուրաքանչյուր տղամարդ:
1. Հավատ նրա հանդեպ
Զուգընկերոջ աջակցությունը գլխավոր շաժիչ ուժն է զարգանալու և նոր բարձունքներ գրավելու համար: Յուրաքանչյուր մարդ էլ կարող է կորցնել ինքնավստահությունը: Մի մոռացեք սիրելիին ասել, որ հավատում եք նրան, որ նա իսկական վարպետ է և որ նրա մոտ ամեն բան կստացվի:
2. Արտաքինը և ոճը
Մենք սովոր ենք արտաքին տեսքի և հագուստի վերաբերյալ հաճոյախոսել կանանց: Բայց տղամարդիկ նույնպես ունեն դրա կարիքը: Նրանք պետք է իմանան, որ մենք նրանց գրավիչ ենք համարում և թե ինչու: Կարելի է գովաբանել ամեն բան, ինչը մեզ դուր է գալիս նրա կերպարի մեջ. կազմվածքը, սանրվածքը, հայացքը, ժպիտը, հագուստի ոճը և այլն:
3. Հարաբերություններում ունեցած ներդրումները
Ընկերուհիների հետ խոսելիս կանայք հակված են բողոքել ամուսնուց՝ նրանք չեն անում այս կամ այն բանը, չեն ուզում մեկ այլ բան: Սակայն պետք է նաև հիշել այն ամենը, ինչն ամուսինը արել է հարաբերությունները կառուցելու և պահպանելու համար. չէ՞ որ դրանք դուք միայնակ չեք կառուցել: Տղամարդուն պետք է ցույց տալ, որ իր ջանքերը գնահատվում են:
4. Հարգանք
Հաճախ, հատկապես երկարատև հարաբերություններում տղամարդկանց համար հարգանքը ավելի պակաս նշանակություն չունի, քան սերը: Մի խնայեք ձեր ժամանակը, որպեսզի ասեք ձեր ընտրյալին, թե որքան եք հպարտանում նրանով և որ նա ժամանակի հետ դառնում է ավելի լավը:
5. Վստահություն
Յուրաքանչյուր տղամարդ իր բնույթով լիդեր է: Նրա համար կարևոր է իմանալ, որ դուք վստահում եք նրա որոշումները և գործողությունները և որ պատրաստ եք ձեր կյանքը կիսել հենց նրա հետ: «Ես քեզ վստահում եմ», «դու ինձ միշտ լավ խորհուրդներ ես տալիս», «ես լիովին քո կողմից եմ». նման արտահայտություններ լսելով ձեր տղամարդը վստահ կլինի, որ հենց դուք եք նրա կինը:
6. Կապվածություն
Միմյանց սիրող մարդիկ միշտ փորձում եմ արտահայտել իրենց կապվածությունն ու հոգատարությունը: Եթե դուք սիրում եք նրա ձայնը, խորտակվում եք նրա աչքերի մեջ և գնահատում եք այն, ինչ նա անում է ձեր երկուսի համար, ապա ասեք դա նրան:
7. Հումորի զգացում
«Դու միշտ գիտես՝ ինչպես ծիծաղեցնել ինձ» – ահա թե ինչ է ուզում հաճախ լսել յուրաքանչյուր տղամարդ: Նա պատահաբար չէ իր կնոջ հետ կիսվում ծիծաղելի պատմություններով. նա ցանկանում է տեսնել նրա ծիծաղը և իմանալ, որ այն անկեղծ է:
Եթե մենք մեր ուղեկիցներին հաճախ ասենք, թե նրանք որքան գրավիչ, խելացի, վստահելի և կարևոր են կկարողանանք խուսափել բազմաթիվ կոնֆլիկտներից: Յուրաքանչյուր հաջողակ կամ լավ տղամարդու ետևում միշտ կանգնած է իմաստուն սիրող կին, ով կարողանում է նրան գնահատել, ոգևորել և ոգեշնչել:
Նյութը հրապարակման պատրաստեց EnterTrain-ը
1
2
3
4
5
1
2
3
4
5
2
3
