Հայ-վրացական հարաբերությունների սիներգիան

Հարկ է նշել, որ շրջայցից հետո ձեռք է բերվել պայմանավորվածություն վրաց-ռուսական սահմանի Կազբեկի անցակետի աշխատանքը երկարացնել ևս 3.5 ժամով, այսինքն շուրջ մեկ ամսվա ընթացքում անցակետի աշխատանքային ժամերը երկարել են 6.5 ժամով, կամ 54%-ով::

Վերը նշված պայմանավորվածությունը հիմնականում ուղղված է վրաց-ռուսական սահմանակետում բեռնատարերի հերթերի նվազեցմանը, որոնք արդեն լուրջ մտահոգությունների առիթ էին ստեղծում հայ արտահանողների համար, քանի որ ստեղծում էին լրացուցիչ ռիսկեր և իհարկե լրացուցիչ տրանսպորտային ծախսեր: Այս պայմանավորվածությունը ժամանակին էր: Այն որոշ չափով կնվազեցնի սահմանի խցանումները:

Հանդիպման ընթացքում կողմերը անդրադարձել էին նաև Բագրատաշեն անցակետում կառուցվելիք «Բարեկամության» կամուրջի շինարարության հարցին: Վերջինիս ընդհանուր ներդրումային արժեքը կազմում է 10 մլն. եվրո, պետք է կառուցվի ՀՀ և ՎՀ համատեղ ջանքերով, վերջին պայմանավորվածության համաձայն ծախսերի 60%-ը պետք է իր վրա վերցներ վրացական կողմը, իսկ մնացած 40%-ը` հայկականը: Հատկանշական է, որ կամուրջի լայնությունը կգերազանցի ներկայիս կամուրջին 4 անգամ, որը իր հերթին կկրճատի սահմանահատման ժամանակատարությունը և կավելացնի թողունակությունը, իսկ ներկայիս կամուրջը կմնա ռեզերվում, ինչը կբարձրացնի անցակետի անվտանգության մակարդակը: