Ձախողված կառավարություն

Հայաստանյան շուկայում բառացիորեն թանկանում է ամեն ինչ։ Թանկացել են մսամթերքը, կաթնամթերքը, ալկոհոլային ու ծխախոտային ապրանքները։ Թանկացումների շարքին վերջապես գումարվեց նաև բենզինը։ Դե բնականաբար կառավարությունը յուրաքանչյուր թանկացման համար ունի բացատրություն՝ միսը թանկացվել է, քանի որ շատ ենք միս ուտում՝ սա գյուղատնտեսության նախարարն է ասում, նույնը թերևս վերաբերում է կարագին ու կաթնամթերքին։ Բացատրությունը ի վերջո հանգում է նրան, որ շուկան ինքնակարգավորվող է և այստեղ որևէ մեկը որևէ անելիք չունի։ Իսկ թե ինչու է թանկանում բենզինը, ինչպես արդեն գուշակեցիք, կրկին հոդաբաշխ բացատրություն չկա։ Իսկ ինչ երանելի ժամանակներ էին ընդամենը մեկ տարի առաջ։ Հյուսիսց եկած մենեջեր վարչապետի նշանակումն համընկավ բենզինի էժանացման հետ, ինչպես ասում էին մի խինդ, մի ուրախություն։ Ցավոք այդ ուրախություն երկար կյանք չունեցավ, դե չէր էլ ունենալու, քանի որ պարզապես դատարկ հույսեր էին։

Հասկանալի, բոլոր թանկացումների մասին էլ կառավարությունը ասելու է շուկան ինքնաարգավորվող է, սակայն մի պահ թողնենք այդ բացատրությունը ու բոլոր բացատրությունները։ Թողնենք անգամ օբյեկտիվ բացատրւթյունները և փորձենքհասկանալ, ինչ է զգում քաղաքացին։ Թերևս խոսք լինել չի կարող այն մասին, որ քաղաքացին թքած ունի ցանկացած ճշմարիտ և ձևական բացատրության վրա, թքած ունի զանազան պատճառաբանությունների վրա։ Քաղաքացուն հւզում է միայն փաստը այն փաստը, որ ամեն ինչ թանկանում է, սակայն իր եկամւտները ոչ միայն չեն աճում, այլև նվազում են։ Այսքանը կարելի է ասել քաղաքացու իրական տեսածի մասին, մնացյալն արդեն ածանցյալ են։ Ածանցյալ են վարչապետի գեղեցիկ կոստյումներն ու գեղեցիկ ժիլետներվ արված հանձնարարականները, պոպուլիստական խոսելաոճն ու գործելաոճը, որևէ մեկին այլևս դրանով հնարավոր չէ խաբել։ ուստի այստեղից հետևություն՝ Կարեն Կարապետյանի կաբինետն արդեն իսկ ձախողել է իրեն՝ համալրելով Հայաստանի անհաջողակ կառավարությունների շարքերը։

Դե իհարկե չի բացառվում, որ հերթական անգամ անուղղակի վարկածները հեղեղեն լրատվական դաշտը, թե վարչապետին չեն թողնում աշխատել, սակայն դրան արդեն ոչ ոք չի հավատա, քանի որ վարչապետին լայն հնարավորություններ տրված էին, այնքան լայն, որը թերևս չէր ունեցել վերջին տասը տարվա ընթացքում որևէ կառավարություն։

Կարեն Հակոբյան