Աննա Թnվմաuյանի անակնկալը` Արամեի 35–ամյակին (Ֆոտոշարք)
Life.tert.am-ը գրում է .
Վերջերս Հայաստանի Հանրապետության վաստակավոր արտիստի կոչում ստացած երգիչ Արամեն այսօր նշում է իր ծննդյան 35–ամյակը։ Երգիչն այժմ Դոնի Ռոստովում է, որտեղ այսօր երեկոյան մենահամերգ կունենա։ Թեև նրա կինը` երգչուհի Աննա Թովմասյանը, փոքրիկի հետ հեռու է սիրելիից, հասցրել է ուրախացնել ամուսնուն։
Tert.am Life–ի հետ զրույցում Աննան պատմեց, որ տեսազանգի միջոցով է անակնկալ մատուցել ու շնորհավորել Արամեին. «Ընկերներով հավաքվել էինք մեր տանը, ժամը 12–ին պետք է զանգահարեինք իրեն, բայց քանի որ համերգի էր, ժամը 1–ին կապվեցինք իր հետ։ Սկզբում կադրում ես մենակ էի, հետո բոլորը միացան ինձ և սկսեցինք շնորհավորել, երգել»։
Աննան պատմեց, որ Արամեի համար այս շնորհավորանքը մեծ անակնկալ էր, քանի որ այդ ժամին ընկերներին իր տանը տեսնել չէր սպասում։ Արդեն հայրիկի կարգավիճակում 35–ամյակը նշող Արամեի համար լավագույն շնորհավորանքը, իհարկե, պետք է դստեր` Աննա Մարիայի կողմից լիներ։
«Աղջիկս տեսանյութի տեսքով շնորհավորեց հայրիկին։ Կարծում եմ, որ դա ամենալավ շնորհավորանքն է եղել Արամեի համար այս տարիների ընթացքում»,– նշեց երգչուհին։
Աննան ասաց, որ Արամեն տխրում է, որ իր ծննդյան օրն ընտանիքի հետ չի անցկացնում, բայց ինքն ու դուստրը փորձում են նրան աջակցել ու ուժ տալ երգչին. «Ասում ենք` կգաս, կմիանաս մեզ և մենք միասին կնշենք»։
Երգչի կինը վերադարձին մեծ անակնկալ է խոստանում ամուսնուն. «Գլխավոր անակնկալը դեռ առջևում է։ Որոշել եմ մեր աղջկա հետ գնալ, միասին նվեր ընտրել պապայի համար»
Ինչ վերաբերում է ծննդյան օրը համերգով նշելուն` ավելի վաղ Արամեն Tert.am Life–ին ասել էր. «Ես հատուկ չեմ մոտենում այդ հարցին, որ ամեն տարի ծննդիս մի բան անեմ։ Իսկապես, այդպես ստացվում է։ Պարզապես, մենք կանգ չենք առնում, այդ օրը ևս ինձ համար աշխատանքային է։ Կարծում եմ` երգչի համար չկա ավելի ուրախալի բան, քան իր ծնունդը նշել իր հանդիսատեսի հետ, առավել ևս, երբ ընտանիքդ էլ է դահլիճում և պակաս մարդ չկա։ Մեծ քեֆ ենք անում»։
1
2
3
4
5
1
3
4
5
1
2
3
5
