7 խորհուրդ ամուսնացած կանանց , տղամարդկանց մուտքը խստիվ արգելվում է

Սեքսն այն շատ քիչ գործընթացներից է, որտեղ ամոթը ոչ մի կերպ տեղին ու ակտուալ չէ, ոչ մի լավ ու հաճելի բանի չի հանգեցնում ու սեքսը դարձնում արհեստական, կեղծ ու ինքնանպատակ: Եթե ձեր սեքսը նախատեսված է ոչ թե պտուղ ստեղծելու, այլ հաճույք ստանալու համար (ինչը փաստացի տեղի է ունենում սեռական ակտերի ճնշող մեծամասնության դեպքում), ապա ամաչելը նույնն է, եթե դուք համեղ խորտիկ ուտելիս փակեք քիթն ու չզգաք դրա ախորժաբեր, ախորժագրգիռ բույրը: Շարժվելը, մերկանալն ու փորձարկումներն ուտեստի բույրը, տեսքն ու համեմունքներն են: Իսկ սեռականությունը, ինչպես եւ սնվելը, մեր հիմնարար բնազդներից է:

Երիտասարդ աղջիկներին (մեծերը ժամանակի ընթացքում դա շտկում են), որպես կանոն, թվում է՝ սեքսի վարիչն ու հիմնադիր-տնօրենը տղամարդն է: Իսկ իրենք արդեն իսկ նրան մեծ լավություն են անում՝ սեքսին զուտ մասնակցելով ու հանդարտ պառկելով: Իրականում, բացի վերը նշված ենթամշակույթի ներկայացուցիչներից, ըստ տղամարդկանց՝ մի բան է կարողանալ սառը ներքնակ լինել պետք եղած պահին, մեկ այլ բան է չկարողանալ ուրիշ ոչինչ լինել: Եկեք հիշենք, որ սեքսը նվազագույնը երկու հոգու կատարում է, որի համար հավասարապես պատասխանատու են եւ հաճույք են ստանում երկուսով: Եթե դուք կողմ եք լռելյայն ու անշարժ պառկելուն, ուրեմն մի հավակնեք նաեւ հաճույքներին:

3.Դերասանություն, օրգազմի իմիտացիա

Դերասանությունն ու հաճույքների իմիտացիան, թերեւս, նախորդ կետի հակապատկերն է: Այստեղ երկու իրավիճակ է պետք քննարկել՝ սեքս նոր զուգընկերոջ հետ եւ սեքս մշտական զուգընկերոջ հետ:

*Հնի կամ մշտականի դեպքում իմիտացիայի իմաստը չեմ կարողանում հասկանալ: Ոչ մի կերպ: Հաճախ նամակներ եմ ստանում՝ «Արդեն մի քանի ամիս կամ, է՛լ ավելի վատ, մի քանի տարի ես օրգազմի իմիտացիա եմ անում, ինչպես ասել նրան այդ մասին»: Միակ արձագանքը, որն ինքնաբերաբար առաջանում է այս զարմանալի իրավիճակի առիթով, հետեւյալն է.«Իսկ ինչո՞ւ խոստովանել, ինչո՞ւ հիասթափեցնել ու խորտակել նրա՝ այդքան ամսվա կամ տարվա սեքսուալ կյանքի իդիլիան: Շարունակեք ապրել իմիտացիայով, եւ երջանիկ կլինեն բոլորը: Միեւնույն է, դուք սովորել եք հաճույք չստանալով սեքսով զբաղվել, իսկ նա՝ իրեն լիարժեք տղամարդ զգալ»:

*Նոր կամ պատահական սեքս-զուգընկերոջ դեպքում օրգազմի իմիտացիան շատ ավելի ընկալելի է. կարող են ամենատարբեր ու քիչ թե շատ հիմնավորված պատճառներ հանդես գալ: Միայն մի հորդոր՝ իմիտացրեք օրգազմը միայն այն դեպքում, եթե դուք դա կատարյալ եք անում, եթե դիմացինի մտքով իսկ չի անցնելու, որ դա կեղծ էր: Հակառակ դեպքում, ամեն ինչ շատ ծիծաղելի տեսք է ունենալու:

4.Ռոմանտիկ եւ բացատրություն պահանջող զրույցներ սեքսի ժամանակ

Սա տիպիկ կանացի գործունեություն է: Նա մի ձեռքով քանդակում է ձեր ստինքները, մյուսով իջեցնում իր տաբատի շղթան: Հետո մի ձեռքով ձեզ գրկած տանում դեպի մահճակալը, մյուսով սենյակի լույսն անջատում: Արվեստագիտորեն համբուրվում ու միաժամանակ մերկացնում ձեզ՝ պատկերացնելով, թե ինչպիսի մեծ ախորժակով է սողոսկելու ձեր մեջ… եւ այդ պահին հարց է հնչում՝ դու ինձ սիրո՞ւմ ես, թե՞ քեզ միայն սեքսն է հետաքրքրում: (Գրողը տանի, ինչո՞վ է հակասում մեկը մյուսին): Կամ՝ սեքսից հետո ինչպե՞ս են շարունակվելու մեր հարաբերությունները: (Ըստ էության՝ արդեն ի՞նչ տարբերություն, թե ինչպես են շարունակվելու, եթե դուք արդեն կիսամերկ եք, իսկ նրա ձեռքը ձեր մեջ է): Կամ՝ աղջի՞կ կուզեիր ունենայինք, թե՞ տղա: (Ոչ մի բան, թերեւս. պահպանակը կողքի դարակում է):

Մեծապես անիրատեսական է մտածել, որ սեքսուալ նախավարժանքի կամ բուն ընթացքի ժամանակ, երբ անջատված է տղամարդու ավագ գլուխն ու միացված է կրտսերը, նա կկարողանա տրամաբանել ու հոդաբաշխ պատմել, թե ինչպես են շարունակվելու ձեր հարաբերությունները: Կամ՝ թե ինչպես եք դուք ուղիղ 8 ամսից զագս գնալու:

5. Հրաժարվել պահպանակից՝ հանուն տղամարդու հորդորների

Այս կետը վերաբերում է հատկապես տվյալ զուգընկերոջ հետ առաջին սեքսին: Կրկին հիշատակենք սեքսից առաջ տղամարդու ավագ գլխի անջատման, կրտսեր գլխի իշխանության, ինչպես նաեւ տղամարդու չհղիանալու փաստերը: Տղամարդկանց մեծագույն մասը, ցավոք, չի անհանգստանում զուգընկերուհուց որեւէ սեռավարակ ձեռք բերելու մասին: Նրանց թվում է՝ իրենք բավականաչափ իմաստուն են առողջագույն զուգընկերուհի ընտրելու համար՝ օդից, առանց այդ կնոջ անձնական գինեկոլոգին հարցաքննելու:

Եվ այսպիսով, նա պնդում, համոզում ու հորջորջում է հրաժարվել պահպանակից՝ հանուն սեփական հաճույքի կամ ծուլության, եւ անպատասխանատվության պատճառով: Այստեղ հիշեք, որ ձեր գլուխը մեկն է, եւ այն իրավունք չունի անջատվելու: Քանզի սեռավարակների ռիսկը միշտ բարձր է, ու դրանք հնարավոր չէ կանխագուշակել՝ տղամարդու արտաքինից: Իսկ հղիությունն ու հղիության ընդհատումը ձեր խնդիրն է դառնալու՝ իր բոլոր հետեւանքներով: Տղամարդը զուտ կարող է ապրումակցել դրանց կամ ոչ:

6.Դեմքին ծեփել ճշմարտությունը

«Աաա՜, էս ինչ փոքր է մոտդ», «հըմմ, հագուստով ավելի մարզված էիր երեւում», «մի անգա՞մ, վե՞րջ, այս մի անգա՞մն էր», «քանի՞ տարեկան ես, 30՞, բա ինչո՞ւ շարժվել չգիտես», «իսկ այ իմ նախկինը կարողանում էր ինձ օդում պահել եւ այդ ընթացքում կունիլինգուս անել»՝ ահա այս տիպի ծեփիչները կարող են կմ-երով հեռու վանել զուգընկերոջը:

Եթե տղամարդու մնացած որակներն այնքան լավն են, որ մնալու եք հետը՝ չնայած թերություններին, ապա իմաստ չկա չափսից կամ անգամներից խոսել: Եթե այդ թերություններն այնքան անտանելի եւ անուղղելի են, որ էլ չեք հանդիպելու նրա հետ, ապա առավել եւս իմաստ չկա խոսել դրանց մասին ու աննրբանկատություն ցուցաբերել:

7. «Սեքս եղավ, ուրեմն մենք հարաբերությունների մեջ ենք»

Ըստ իս՝ սիրային հարաբերությունը բազմաշերտ կառուցվածք ունի, որը նման է աստիճանաձեւ փազլի: Առաջին մակարդակում սեքսն է, քանզի առանց այս հարցում փոխհամընկնման բարդ է ամուր հարաբերություն կազմակերպել: Երկրորդ մակարդակում մենթալ առանձնահատկություններն են՝ տրամաբանություն, մտածողություն, գիտակցություն, պատկերացումներ: Եթե սրանք էլ փոխհամընկնեն, մնում է երրորդը՝ հոգեբանական մակարդակը: Այսինքն, հոգեկան դիմագծեր, բարդույթներ, բնույթ, բնավորություն:

Ըստ այդմ՝ միայն սեքսը ոչ մի կերպ բավարար չէ հարաբերության մեջ հայտնվելուն: Ինչպես հայտնի դեմոտիվատորում է ասվում՝ սեքսը բավարար առիթ չէ ծանոթանալու համար: Այնպես որ, եթե դուք սեքսից հետո պարտադիր կերպով ակնկալում եք սրճարան-ռեստորան-ծնողների հետ ծանոթացում-նշանդրեք-հարսանիք, պատրաստ եղեք ամենավատ ելքերին եւս: Մասնավորապես, տղամարդու կողմից նամակներին, զանգերին չպատասխանել, փողոցում տեսնել չբարեւել, ձեզ ինֆանտիլ կամ հիստերիկ համարել: Ու սա բավականին արդարացի է: