Հովանավորի փնտրտուքներով

Օրերս վարչապետ Կարեն Կարապետյանն ընդունել էր ՌԴ դեսպան Վոլինկինին։ Դե այս հանդիպման մասին ասվում է այն ինչ միշտ է ասվում՝ քննարկվել են համագործակցության հարցեր և այլն։ Սակայն պաշտոնական հաղորդագրության մեջ նշվում է նաև, թե քննարկվել են Մեդվեդևի առաջիկա այցելության կազմակերպման հարցեր։ Մեդվեդևն, իհարկե գալու է Հայաստան, ինչպես գալու են ԵՏՄ անդամ մյուս երկիների վարչապետերը, քանի որ Հայաստանում է անցակացվելու Եվրասիան տնտեսւթյան միջկառավարական հանձնաժողովի նստաշրջանը։

Սակայն պաշտոնական լրատվությունից այնպիսի տպավորություն է, թե Մեդվեդևը հատուկ այց է կատարում։ Դե անշուշտ, այս այցը խորհրդանշական կարող է լինել, քանի որ տարատեսակ հարապարակումների համադրությունից պարզ երևում է, որ Կարեն Կարապետյանն, ի դեմս Մեդվեդևի, փորձում է գտնել քաղաքական հենարան Ռուսաստանում։ Սակայն արդյոք Կարապետյանը չի սխալվել իր հաշվարկներւմ, այս հարցի պատասխանն այնքան էլ միանշանակ չէ, քանի որ Մեդվեդևի դիրքերն այնքան էլ կայւն չեն։ Այս մասին են վկայում ռւսական մեդիադաշտում կատարվող գործընթացները, գրեթե ուղղակիորեն սլաքներ են ուղղում ՌԴ վարչապետի կողմը։ Իսկ Ռուսաստանում, երևի բոլորս էլ գիտենք, որ մեդիադաշտի վիճակը բազմիցս ավելի վատ է քան Հայաստանում, ուստի և առանց համապատասխան վերին օղակների թույլտվության կամ աչք փակելուն, որև մեկը չէր համարձակվի Մեդվեդևի բոստանը քար գցել։

Այս տեսանկյունից կարող ենք ասել, որ Կարապետյանն ավելի լավ է նոր հովանավոր փնտրի իրեն հարազատ հյուսիսում, չնայած որ պետք է ասել նաև, որ նա այնքան էլ մեծ ընտրություն չունի։

Ազատ Մնացականյան