Կստուգվեն միայն բարձր ռիսկայնություն ունեցողները

Ստուգումներ իրականացվելու են միայն պետական սեփականություն ունեցող, ինչպես նաև պետական ոչ առևտրային կազմակերպություններում, որոնք տնտեսական շահույթ չեն հետապնդում: Շարունակվելու են ստուգումները դպրոցներում և մանկապարտեզներում՝ երեխաներին որակյալ սննդով ապահովելու նպատակով: Հարկ է նշել, որ սույն որոշումը չի տարածվելու նաև այն դեպքերի վրա, երբ ստուգումը պայմանավորված է քրեական դատավարության օրենսգրքով:

Ըստ որոշման վարչական վարույթի ընթացքում տեսչական մարմինները տնտեսվարողների մոտ ստուգումներ իրականացնելու համար պետք է դիմեն ՀՀ վարչապետին և միայն համաձայնությամբ իրականացնեն իրենց քայլերը:

Որոշման մասին խոսել է նաև Հովիկ Աբրահամյանը, ով բոլոր նախարարներին հանձնարարել է խստագույնս պահպանել որոշման պահանջները և հորդորել տնտեսվարողներին բարձրացնել ֆինանսական կարգապահությունը: Նա նաև հավելել է, որ այս որոշումը տնտեսության ակտիվացմանը ուղղված կարևոր քայլ է: