Հարկայինը մնաց «օդում»
Կարեն Մկոյանը ֆեյսբուքյան իր էջում գրում է.
Այսօր կառավարությունը որոշում կայացրեց 2015 թվականի օգոստոսի 1-ից մինչև 2016 թվականի հունվարի 1-ը պետական մարմինների կողմից մասնավոր հատվածում ստուգումների կասեցման վերաբերյալ: Ստուգում իրականացնող պետական մարմինների ցանկը սահմանված է «ՀՀ ստուգումների կազմակերպման և անցկացման մասին» օրենքի 2-րդ հոդվածով: Կասեցման որոշումը չի վերաբերում հարկային և մաքսային մարմիններին:
Ստուգումները կարող են իրականացվել միայն պետական հիմնարկներում, ՀՀ քրեական դատավարության օրենսգրքով նախատեսված դեպքերում, մանկապարտեզներում և դպրոցներում երեխաների սննդի կազմակերպման նկատմամբ, ինչպես նաև այն տնտեսվարողների մոտ որոնք տեսչությունների ստուգումների ստուգաթերթերով ընդգրկված են ստուգումների տարեկան ծրագրում և գտնվող են բարձր ռիսկային խմբում:
Այն դեպքում երբ ստուգման անհրաժեշտությունը պայմանավորված է հանրային անվտանգության, անձանց իրավունքների, կյանքի և առողջության պաշտպանության, պետության պաշտպանության և անվտանգության ապահովմամբ՝ հնարավոր կլինի միայն վարչապետի գրավոր համաձայնության առկայության դեպքում, համապատասխան հիմնավորումներով: Ստուգման անհրաժեշտությունը հիմնավորող տեղեկատվությանը ներկայացված է պահանջների սպառիչ ցանկ: Այն տրամադրվելու դեպքում՝ համաձայնությունը և ստուգման անհրաժեշտությունը հիմնավորող տեղեկատվությունը տեղադրվելու է www. e-gov.am կայքում և հասանելի կլինի հանրության համար:
Հիշեցնեմ, որ կառավարության նախորդ նիստին վարչապետը խոսեց ստուգումների կազմակերպման և անցկացման որոշման վերանայման մասին, և հանձնարարեց ներկայացնել առաջարկություններ: Որոշումը պյամանավորված է ստեղծված տնտեսական իրավիճակում տնտեսվարողների գործունեության բնականոն ընթացքին անհարկի չմիջամտելու նպատակով: Ինչպես գիտենք մեկնարկել է տեսչական համակարգի բարեփոխումների, հարկային օրենսդրության բարեփոխումների նոր փուլը, որի շրջանակում նախատեսվում է տեսչությունների թվաքանակի կրճատում և դրանց արմատական վերափոխում:
«Կարծում եմ՝ մենք պարտավոր ենք ականջալուր լինել տնտեսվարող սուբյեկտների դժգոհություններին, և այս իրավիճակում մենք ամեն ինչ պետք է անենք՝ բացառելու անհարկի միջամտությունները և նվազագույնի հասցնենք բոլոր կարգի ստուգումները»- հավելել է գործադրի ղեկավարը:
1
2
3
4
5
1
3
4
5
1
2
3
5
