Դիետш առանց դիետայի. шյnւրվեդայի 15 կանnն՝ իդեшլական մшրմնի hամար

EnterTrain-ը ներկայացնում է այուրվեդայի 15 կանոն, որոնք մարմինդ կուղղեն առանց ծանր դիետաների քաշի ներդաշնակ նվազեցման:
Դիետա առնաց վնասի
Այուրվեդան հնդկական ավանդական բժշկության համակարգ է: Այրվեդիկ սննդակարգը չի ենթադրում բուսակերություն:

Եթե ուզում ես նորմալացնել քաշդ, լավացնել ինքնազգացողությունդ և արտաքին տեսքդ, այս խորհուրդները քեզ համար շատ օգտակար կլինեն:

1. Վաղ արթնացում

Փորձիր մինչև լուսաբաց արթնանալ: Վաղ արթնանալն օրգանիզմիդ կօգնի էներգիայով լցնել և նվազեցնել տոքսինների քանակը:

2. Տաք ջուր
Առավոտյան մեկ բաժակ տաք ջուրը կիտրոնով կօգնի մարսողական տրակտը մաքրել նյութափոխանակության արգասիքներից: Ուտելու ընթացում տաք ջուր ընդունիր, դա կօգնի նվազեցնել քաշը նյութափոխանակությունն արագացնելու շնորհիվ: Ամեն օր տաք ջրի օգտագործումը կլավացնի երիկամների աշխատանքը, կօգնի կարգավորել շաքարի մակարդակն արյան մեջ և կնվազեցնի քացրի նկատմամբ հակումը:

3. Քնջութի յուղ

Ոչ մեծ քանակությամբ քնջութի յուղով մերսումը կրծքի տակի հատվածում կլավացնի մարսողությունը և թեթևության զգացում կտա:

4. Գլխի մերսում

Գլխամաշկի ինտենսիվ մերսումը կոկոսի յուղով անհավանական օգտակար է: Այդ պրոցեդուրան կօգնի սրել զգացողությունները , մազերը փափուկ և խոնավ կդարձնի:

5. Մաքրիր քթանցքերդ

Ամեն առավոտ քիթդ լվա տաք աղաջրով և կզգաս, որ առավոտյան գլխացավը վերացել է:

6. Բաց մի թող ուտելու ժամերը
Դա հանգեցնում է մարսողական համակարգի գործառույթի խանգարման: Փորձիր օրը 3 անգամ լիարժեք սնվել և 2 անգամ թեթև ուտել: Ամենահագեցած սննդի ընդունումը՝ կեսօրին, իսկ ընթրիքը պարտադիր թող թեթև լինի: Դա կօգնի իդեալական քաշ պահպանել, խուսափել ստամոքսաղիքային տրակտի հիվանդություններից և երկարակցնել կյանքը:

7. Կեր, երբ քաղց զգաս

Առանց քաղցի ուտելը «մեղք է», դա նպաստում է օրգանիզմում շլակների կուտակմանը: Կեր միայն լավ տրամադրությամբ:

8. Խուսափիր անհամատեղելի մթերքներից

Բոլոր մթերքները, որոնք ուտում ես միանգամից, պետք է համադրվեն իրար հետ: Բաղադրությամբ, համով կամ մարսողության վրա ազդեցությամբ տարբեր մթերքները նպաստում են օրգանիզմում տոքսինների առաջացմանը: Սպիտակուցները կեր ածխաջրերից առանձին, իսկ մրգերը բոլորովին առանձին ուտելիք են:

9. Սիրիր կոճապղպեղը

Փորձիր ամեն անգամ ուտելը կոճապղպեղ օգտագործելով սկսել: Ոչ մեծ քանակի թթու դրած արմատը կօգնի լավացնել մարսողությունը:

10. Սնունդը պետք է թարմ լինի
Համարվում է, որ ուտեստը պատրաստվելուց հետո որքան արագ է հասնում սեղանին, այնքան ավելի օգտակար է:

11. Գազարով, բազուկով և վարունգով հյութ

Նախաճաշին այդ մթերքներով ֆրեշը կօգնի լավացնել մարսողությունը, ազատվելփորկապությունից և մաքրել լյարդը:

12. Ինհալյացիաներ Էվկալիպտի յուղով
Այդպիսի ինհալյացիա արա շաբաթական 1-2 անգամ և քեզ շատ ավելի առողջ և էներգիայով լի կզգաս, նաև կազատվես գլխացավից և քթանցքերի խցանումից:

13. Ակտիվ կենսակերպ
Օրական ընդամենը 30-40 րոպե ակտիվությունը (վազք, լող, զբոսանք) մարմինդ կդարձնեն ավելի դիմացկուն, ճկուն և հավասարակշռված:

14. Ժամանակ հատկացրու մեդիտացիային

20 րոպե գտիր առավոտյան և երեկոյան մեդիտացիայի համար: Կզգաս, որ միտքդ ավելի պարզ է դարձել, իսկ կենսական էներգիադ անսահման է:

15. Շնչառական վարժություններ
Շնչառական պրակտիկան կօգնի ներդաշնակեցնել մտքերը, կարգավորել ստամոքսի վիճակը և լավացնել մարսողությունը:

Նյութը հրապարակման պատրաստեց EnterTrain-ը