Անհաջող թռիչք. Այնուամենայնիվ աղջիկը փրկվեց
Երբ 20- ամյա Էմմա Կերրին, որոշեց թռչել պարաշուտով, չէր էլ պատկերացնում, որ այն կտրականապես կփոխի իր կյանքը. Անկարգելը (պարաշուտը) չբացվեց: Աղջիկն անշարժացավ, սակայն մեկ տարի հետո, նա ապշեցրեց բժիշկներին՝ նա կարողանում էր ինքնուրույն տեղաշարժվել: Էմման պատմում է իր պատմությունն Ինստագրամում և կոչ անում բոլորին գնահատել և վայելել յուրաքանչյուր պահը: Intermedia24.ru-ն կներկայացնի մանրամասները.
Էմման վաղուց էր երազում թռչել պարաշուտով: Եվրոպայում ճանապարհորդելու ընթացքում, որոշեց իրականացնել այդ էքստրեմալ ցանկությունը՝ Շվեյցարական Ալպերում: Աղջիկը պատմում է, որ բոլորովին չէր անհանգստանում և հուզվում:
«Ես թռչում էի հրահանգչի հետ: Մենք ներքև էինք սլանում շատ արագ: Դա իմ առաջին թռիչքն էր և ես կարծում էի, որ ամեն ինչ լավ է ընթանում»,-գրում է աղջիկը:
Պարաշուտը չբացվեց.«Հարցրեցի հրահանգչին, թե ինչ է կատարվում, բայց պատասխան չստացա: Այդ ժամանակ շրջվեցի և նայեցի նրա դեմքին՝ հասկացա, որ ամեն ինչ շատ վատ է: Ինչպես պարզվեց հետագայում, հիմանական և պահեստային պարաշուտները բացվել էին միաժամանակ և խճճվել: Ներքև էինք սլանում շատ արագ, սակայն թվում էր, թե այդ թռիչքն անվերջ է»:
Նրանք ընկան դաշտավայրում, փողոցից մի քանի մետր այն կողմ: Էմման բազմաթիվ վնասվածքներ էր ստացել, բժիշկներն ասում էին, որ նա չի կարողանա քայլել: Մեկ տարի շարունակ, ինտենսիվ բուժումներից և ամենօրյա մարզումներից հետո աղջկան հաջողվեց ինքնուրույն քայլել: Բժիշկներն ապշել էին նման արդյունքից: Իհարկե վնասվածքները թողել են իրենց հետքը, Էմման ունի առողջական որոշ խնդիրներ:
Էմման պատմում է, որ դարձել է ավելի հանգիստ, այլևս չի անհանգստանում աննշան հարցերի համար, իրեն զգում է ավելի հանդարտ և երջանիկ, փոխվել է մտածելակերպն ու աշխարհհայացքը :
1
2
3
4
5
1
3
4
5
1
2
3
5
