Գազատարի կառուցումը կարող է նպաստել Հայաստան-Իրան փոխշահավետ տնտեսական հարաբերությունների կառուցմանը՝ անկախ ՌԴ-ի դիրքորոշումից
Սանասար Կարապետյանը ֆեյսբուքյան իր էջում գրում է .
Իրանի և վեցնյակի միջև ձեռք բերված համաձայնության շրջանակներում Իրանի կողմից մասնավորապես ուրանի հարստացման ծրագրի ծավալների կրճատման պայմաններում և համաձայնագրի կետերը կատարելու դեպքում Իրանից կհանվեն միջազգային պատժամիջոցները։ Այդ պարագայում կարևորվում է արևմուտք-Իրան փոխհարաբերություններում Հայաստանի դերը, որն արդեն գիտարկվում է ոչ թե զուտ Իրան-Հայաստան փոխհարաբերությունների համատեքստում, այլ ավելի շուտ աշխարհաքաղաքական կոնտեքստում:
Այլ խոսքով Հայաստանը կարող է ներգրավվել Իրան -արևմուտք փոխհարաբերությունների տիրույթ, որը կնշանակի, որ Հայաստանը կարող է հանդես գալ ոչ միայն որպես զուտ հարևան երկիր, որի տրանսպորտային և էներգոհամակարգերը ամբողջությամբ գտնվում են այլ երկրի ազդեցության ներքո և այդ կտրվածքով փոխհարաբերությունները կլինեն ՌԴ-ի ցանկության և քաղաքթական ու տնտեսական շահերին ածանցյալ, այլ հնարավորություն է բացվում արևմուտքի կողմից ՀՀ-ին օգնելու իր արտաքին քաղաքականությունում գործելու ոչ միայնակ, որն էլ կնշանակի ուղղակի ռուսաստանի ազդեցության թուլացում և այն խոչընդոտների մասամբ հաղթահարում, որ առկա է ՀՀ-ում ՌԴ-ի կողմից՝ տրանսպորտային և տնտեսական անվտանգության համատեքստում:
Արդեն աշխարհքաղաքական շահերի տիրույթ է մուտք գործում Իրանի կողմից դեպի եվրոպական երկրներ գազամատակարարում սկսելու գործընթացը, որի համար Հայաստանը ՝ որպես տարանցիկ երկիր շատ ավելի հարմար է:Այնպես որ կարելի է հուսալ, որ գազատարի կառուցումը և ուղղության ընտրությունը գտնվելով աշխարհաքաղաքական ավելի մեծ շահերի ոլորտում և համաձայնությունների կենտրոնում, կարող է նպաստել Հայաստան-Իրան փոխշահավետ տնտեսական հարաբերությունների կառուցմանը՝ անկախ երրորդ երկրի՝ տվյալ պարագայում ՌԴ-ի դիրքորոշումից:
1
2
3
4
5
1
3
4
5
1
2
3
5
