Առեղծվածային «Ձեռքերը պաշտպանում են նրան» կտավը

Վիլիամ Սթոունհեմի «Ձեռքերը պաշտպանում են նրան» (The Hands Resist Him)  նկարը համարվում է անիծյալ: Երկար նայելով նկարի բնօրինակին, անկայուն հոգեվիճակով մարդիկ բողոքում են գլխացավերից, նոպաներից եւ խուճապի մեջ են ընկնում ամեն անգամ տեսնելով այս ահարկու նկարը… Այն նկարել է Վիլիամ Սթոունհեմը 1972 թվականին:

Վիլիամ Սթոունհեմը ծնվել է 1947 թվականին Մասաչուսեթս նահանգի Բոստոն քաղաքում: Իր կյանքի առաջին իննը ամիսներն անց է կացրել Բոստոնի մանկատանը: Վիլիամին որդեգրողները նրան տվել են Սթոունհեմ ազգանունը:

Բիլլ Սթոունհեմը կայացած արվեստագետ է, աշխատել է՝խաղարկային ֆիլմերում, վիդեո խաղերի արվեստում, գեղանկարչությունում, յուղանկարչությունում…

Մեծ հայտնություն է բերել «Ձեռքերը պաշտպանում են նրան» (The Hands Resist Him) կտավը…

Կտավում նկարիչն օգտվել է իրենց ընտանեկան ալբոմից, որտեղ նա պատկերված է 5 տարեկան հասակում: առաջին անգամ նկարը տեսել է «Նյու Յորք թայմսի» արվեստի քննադատը որը շուտով մահացել է: Այնուհետեւ նկարը գնում է դերասան Ջոն Մառլին : Վերջինս մահանում է 1984թ: Դրանից հետո նկարը դեն է նետվում, սակայն շուտով այն թափոնների միջից նկատում է մի տղամարդ և տանում կախում է այն իր տանը. Այդ օրվանից նրա 4 տարեկան դուստրը կորցնում է իր քունը: Ամեն գիշեր նա գալիս բողոքում է հորը, որ տեսնում է, թե ինչպես նկարի մեջ պատկերված երեխաները կռվում են, կամ դուրս գալիս նկարի մեջից: Ըստ խոսակցությունների մի գիշեր ընտանիքի անդամերից մեկը շարժումն ընկալող տեսախցիկ է տեղադրում անիծված նկարի դիմաց, որը սակայն նորմալ չի գործում..

Որոշ ժամանակ անց նկարը աճուրդի է հանվում «eBay»-ի կողմից: Աճուրդում նկարը դիտվել է ավելի քան 30.000 անգամ: Կայքի ադմինիստրացիային ուղղվում են զայրույթով և նույնիսկ սպառնալիքներով լի նամակներ, ասվում էր որ նկարի դիտարկումը կարող է հանգեցնել առողջական վիճակի վատացման:

Ի վերջո նկարը 1025 դոլարով գնվում է մասնավոր պատկերասարահի սեփականատեր Կիմ Սմիթի կողմից: Մարդիկ շարունակում են բողոքել և պահանջում են ոչնչացնել նկարը: Նրանք խոսում են այդ նկարի հետ կապված իրենց սարսափելի տեսիլքների մասին…

Որոշներն էլ վստահեցնում են, որ նկարում պատկերված են փոքրիկ Թոմը և Լաուրան, որոնք սպանվել են Կալիֆոռնիայում, և առ այսօր նրանց ուրվականները չեն գտնում իրենց հանգիստը :