ՀՀԿ-ին Աստծո դե՞ր են ուզում տան
Գայանե Հովսեփյանը ֆեյսբուքյան իր էջում գրում է.
Սահմանադրական բարեփոխումների քննարկումից մի հատված ունկնդրեցի. պարզվում է, նախատեսել են կետ մտցնել՝«ՀՀԿ- իշխող կուսակցություն է»: Սա նույնն է, թե ասենք «Երկրում կրոնական հիմնական դավանանքը Հայ Առաքելական եկեղեցին է կամ քրիստոնեությունը» /:
Ստացվում է, ՀՀԿ-ին Աստծո դե՞ր են ուզում տալ: Այս կարգի «բարեփոխում» եթե իրականացվի, այդ ժամանակ քաղաքացիական ինստիտուտներ պահելն արդեն իմաստ չի ունենա, ու առաջադեմ մտավորականությունն ստիպված կլինի ճամպրուկներն առած հեռանալ. այն ժամանակ թող իրենք իրենց կառավարողներով ու ընտրիչներով իրենց համար «լաքեյներ» գտնեն իրենց միջից կամ ՝ Մոզամբիկից աշխատուժ բերեն:
Ահա թե ինչի համար է պետք ոտքի կանգնել ու «Ոտքի, Հայաստան» կարգախոսը հոսանքի թանկացման շրջանակներից առաջ տանել: Ու ամենեւին կապ չունի, թե որ կուսակցությունն է մենաշնորհային դիրք գրավելու այդ «բարեփոխումների» արդյունքում. կարող է մի օր էլ ԲՀԿ-ն հաղթի ՀՀԿ-ին կամ ՀՀՇ-ն:Ամեն դեպքում ՝կուսակցությանը մենաշնորհային դիրք տալը կհանգեցնի բրեժնեւյան դարաշրջանի վատագույն ավանդույթների վերականգնմանը:
1
2
3
4
5
1
3
4
5
1
2
3
5
