Ռուբեն Հայրապետյան. Բոլորդ էլ հասկանում եք, որ Մխիթարյանի բացակայության պատճառն իր մարզավիճակը չէ

ՖՖ նախագահ Ռուբեն Հայրապետյանն այսօր «Բանանցում» մասնակցել է ՀՖՖ-ի կողմից տեղադրված արհեստական ծածկով երկու խաղադաշտերի բացման արարողությանը:

Միջոցառման ավարտից հետո ֆեդերացիայի նախագահը պատասխանել է նաև լրագրողներին հուզող հարցերին և անդրադարձել ազգային հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանի շուրջ ստեղծված իրավիճակին.

«Մխիթարյանը մեծ պրոֆեսիոնալ է, աշխատասեր, նվիրված հայկական ֆուտբոլին և առհասարակ ֆուտբոլին: Կարծում եմ` Մխիթարյանն այն ֆուտբոլիստն է, որը չի կարող երկար գտնվել այս իրավիճակում: Բոլորդ էլ հասկանում եք, որ այստեղ խնդիրը Հենրիխի ֆիզիկական վիճակի ու մարզավիճակի մեջ չէ. պատճառն այլ է: Կարծում եմ` մոտ ժամանակներս ինքս էլ հայտարարություն կանեմ` որոշ բաներ ուսումնասիրելուց և ճշտելուց հետո:

Հանգիստ եղեք, Մխիթարյանն այնպայման կխաղա և կուրախացնի մեզ բոլորիս»,- Ռուբեն Հայրապետյանի խոսքերն է փոխանցում «ArmSport.am»-ի թղթակիցը:

Հիշեցնենք` հայ ֆուտբոլիստը վերջին անգամ խաղադաշտ է դուրս եկել նոյեմբերի 25-ին ԱՊԼ-ի 13-րդ տուրի` «Բրայթոն էնդ Հոուվ Ալբիոնի» հետ խաղում (1:0): Վերջին խաղերում ՄՅՈւ-ի գլխավոր մարզիչ Ժոզե Մոուրինյուն Մխիթարյանին չի ընդգրկում նույնիսկ թիմի հայտացուցակում:

Այս թեմայով Մխիթարյանը պատահմամբ հայտնել է Օբամեյանգի` Արսենալ տեղափոխության մասի՞ն Հենրիխ Մխիթարյանը բանտախցում կրում է իր պատիժը. ծաղրանկար Մխիթարյանը հանդերձարանում կոնֆլիկտ է ունեցել Մոուրինիոյի հետ Պերեսը դժգոհ է «Ռեալ»-ի 3 ֆուտբոլիստի խաղից Մարադոնա. Ռոնալդուն ասել է, որ լավագու՞յնն է աշխարհում. նրան ասեք, թող չհիմարանա