Պայքարը տվեց շոշափելի պտուղներ
Blog
Նարեկ Սարգսյանը ֆեյսբուքյան իր էջում գրում է .
Մի երկու ամիս առաջ ոչ ոքի մտքով չէր անցնի, որ «Նաիրիտի» հազարավոր աշխատողների աշխատավարձը հնարավոր է վճարել կամ կվճարվի: Տարիների ընթացքում մի քանի սեփականատեր փոխելուց հետո ձեռնարկությունն հայտնվել էր մի իրավիճակում, որն անելանելի էր թվում թե' երկրի ղեկավարության, թե' անձնակազմի համար: Նաիրիտցիներն իրենք, ժամանակ առ ժամանակ բողոքի ցույցեր անելով, հոգու խորքում բոլորովին էլ վստահ չէին, որ կուտակված աշխատավարձը կստանան:
Իրավական տեսակետից պետությունը, ՀՀ կառավարությունը որևէ պարտավորություն չունեին սեփականատերերի ձախողման դիմաց այսպիսի ահռելի ծախս անելու: Բայց միայն իրավական տեսակետից: Մինչդեռ բարոյականությունը պահանջում էր հոգալ սեփական քաղաքացիների հոգսը, մանավանդ, որ այդ քաղաքացիները բոլորովին մեղավոր չէին իրենց ղեկավարների ապաշնորհության կամ օբյեկտիվ ու սուբյեկտիվ պատճառներով ձեռնարկությունում ստեղծված վիճակի համար:
Հեշտ չէր վճիռ կայացնելը. պահանջվում էր վճռականություն, ինչ- որ տեղ նույնիսկ խիզախություն: Եվ այս որակները ցուցաբերեցին վարչապետը, կառավարությունը: Եվս մեկ անգամ ապացուցվեց, որ իշխանությունը կարող է հաջողության հասնել բարոյական նորմերի պահպանմամբ միայն:
1
2
3
4
5
2
4
5
1
2
3
4
5
