Ռուսական վտանգը

Հայկ Մարգարյանը ֆեյսբուքյան  իր էջում գրում է.

Ռուսական քաղաքակրթությունը ամենասակավաթիվն է, ներառում է սլավոնական ժողովուրդներին և հիմնական շեշտը դրվում է տարածքային ընդարձակման վրա, մշակութային արժեքների թուլության կամ որոշ դեպքերում դրանց իսպառ բացակայության պատճառով ռուսական քաղաքակրթությունը զարկ է տալիս զենքի արտադրությանը, դրա արտաքին ու ներքին վաճառքին, որպես գլոբալիզացման հիմնական տնտեսական ուղղություն, միաժամանակ հանդիսանում է քաղաքակրթությանը պաշտպանող համակարգ:

Ռուսական քաղաքակրթությանը բնորոշ է դրա տարածման բլոկային եղանակը, արտաքինից մեղմ թվացող սակայն կոշտ քաղաքականությունը: Ղեկավարվում է մեկ կետից (տարբեր ժամանակներում Կիև, Լենինգրադ, Մոսկվա և այլն): Քաղաքակրթության հարավային սահման "հավակնում ենք" դառնալ մենք:

Ներկա իշխանությունների վարած արտաքին քաղաքականությունը Ռուսաստանի մեր հանդեպ վարվող տնտեսական և ռազմավարական քաղաքականությունը, որը հայտնի է բոլորիս թույլ են տալիս հստակ այդպես կարծել: Ռուսաստանի կողմից կիրառվում է հիմնականում տնտեսապես կախման ենթարկելու քաղաքականությունը, որի համար այսօր լուրջ լծակ է հանդիսանում Արցախյան հարցը, Ռուսաստանում հայկական համայնքի վրա ճնշումները կամ սիրաշահումը, հատուկ ծառայությունների պրոֆեսիոնալ և ակտիվ գործունեությունը հայաստանում:

Կան նաև բազմաթիվ այլ լծակներ, սակայն որպես հատուկ լրացուցիչ հանգամանք կնշեմ մեր իշխանությունների դյուր կաշառվելու հատկությունը: Որպես ռուսական վտանգից խուսափելու եղանակ տեսնում եմ Արցախյան խնդրի լուծումը խաղաղ ճանապարհով(որը նաև մի քիչ ֆանտաստիկա եմ համարում), տնտեսական կախումից խուսափումը:

Հակառակ դեպքում վաղ թե ուշ, միգուցե մեր սերունդը այդ ժամանակ չլինի, բայց հաջորդ սերնդին կժառանգենք Հայկական բարձրավանդակ Ռուսաստանի կազմում, այդ կարգավիճակում Ռուսաստանում ապրում է ավելի քան 200 ազգ ու ժողովուրդ: