Թրամփը չի բացառել ԱՄՆ-ի վերադարձը կլիմայի Փարիզյան համաձայնագիր
Header
ԱՄՆ նախագահ Դոնալդ Թրամփը վերստին չի բացառել կլիմայի Փարիզյան համաձայնագիր ԱՄՆ վերադարձի հնարավորությունը, փոխանցում է «ՌԻԱ Նովոստի»-ն:
ԱՄՆ-ն համաձայնագրից դուրս է եկել 2017 թվականի ամռանը, սակայն չորեքշաբթի Թրամփը չի բացառել, որ երկիրը կարող է վերադառնալ համաձայնագիր:
«Փարիզյան համաձայնագիրը մեզ համար աղետ կլիներ: Սակայն եթե լավ համաձայնագիր լինի, միշտ վերադառնալու հնարավորություն կա»,- ասել է Թրամփը բրիտանացի հեռուստալրագրող Փիրս Մորգանի հետ հարցազրույցում:
ԱՄՆ նախագահը նշել է, որ ներկայումս համաձայնագիրն ԱՄՆ-ի համար «սարսափելի» է եւ «անարդարացի»:
Կլիմայի առաջին գլոբալ՝ Փարիզյան համաձայնագիրը ստորագրվել է 2015-ի դեկտեմբերին, այն ներկայացնում է գլոբալ տաքացման զսպման գործողությունների ծրագիր: Պայմանագիրը վավերացրել է 170 երկիր՝ պարտավորվելով արտանետումների նվազեցման, տեխնոլոգիական վերազինման եւ կլիմայի փոփոխություններին ընտելանալու միջոցառումներ ձեռնարկել:
Հունիսի սկզբին Թրամփը հայտարարել էր, որ ԱՄՆ-ն Փարիզյան համաձայնագրից դուրս է գալիս, որին անդամկցելուն կողմ էր Բարաք Օբամայի նախկին վարչակազմը: Թրամփի որոշումը հարուցել էր հանրության եւ քաղաքական վերնախավի քննադատությունը: Նա իր որոշումը պատճառաբանել էր այն հանգամանքով, որ համաձայնագրին անդամակցությունը ԱՄՆ-ին ձեռնտու չէ տնտեսական տեսակետից: Ըստ որում՝ նախկինում Թրամփը գլոբալ տաքացման տեսությունը մտացածին էր համարում:
1
2
3
4
5
1
2
3
4
1
2
