Միջադեպ որսի ժամանակ. 33-ամյա տղամարդը վիրավորվել է պատահաբար արձակված կրակոցից
Ուշադրության կենտրոնում
Հունվարի 29-ին, ժամը 2.45-ին, հիվանդանոցից ոստիկանության Ապարանի բաժին հաղորդում է ստացվել, որ «ձախ ազդրի առաջնային կողմնային մակերեսի, ձախ աճուկային շրջանի հրազենային վիրավորում» ախտորոշմամբ իրենց մոտ է տեղափոխվել 1985 թ. ծնված Սմբատ Ա.-ն:
Ոստիկանության մամուլի ծառայությունից NEWS.am-ին հայտնում են, որ mեկնած օպերատիվ խումբը պարզել է, որ Սմբատ Ա.-ն վնասվածքը ստացել է նույն օրը, ժամը 2.30-ի սահմաններում, «Նիգավանի աղբանոց» կոչվող տարածքում 1980 թ. ծնված Վարդգես Գ.-ի հետ որսի ժամանակ, վերջինիս պատկանող որսորդական հրազենից պատահաբար կրակվելու հետեւանքով:
Ժամը 3.00-ին Վարդգես Գ.-ն բերման է ենթարկվել բաժին եւ տվել բացատրություն:
Սմբատ Ա.-ն ի վիճակի չի եղել բացատրություն տալու:
Հրազենը վերցվել է:
Նշանակվել են դատաձգաբանական եւ դատաբժշկական փորձաքննություններ:
1
2
3
4
5
2
3
4
1
2
3
4
5
