Մոսկվայում կրակել են Սոսո Պավլիաշվիլիի պրոդյուսերին

Աղբյուրը՝ Intermedia24.ru

Սոսո Պավլիաշվիլիի սանիկ եւ պրոդյուսեր Գեորգի Գաբելավան լուրջ վնասվածքներ է ստացել հարեւանների հետ կոնֆլիկտի արդյունքում։ Անհանգիստ բնակիչները դաժանորեն ծեծել են նրան, ապա բառացիորեն ծածկել են փամփուշտներով:

Դեպքը տեղի է ունեցել մայրաքաղաքի հարավ-արեւմուտքում՝ Դմիտրի Ուլյանովի փողոցի վրա գտնվող տանը։

Պրոդյուսերը երիտասարդ կնոջ հետ Մոսկվա էր ժամանել Թբիլիսիից տեսահոլովակի նկարահանման համար եւ ընկերոջ հրավերով մնացել էր բնակարանի նրա սենյակում։ Պարզվել է, որ բնակարանի սեփականատերերի միջեւ առկա է թշնամություն եւ հարեւանները որոշել են  «նոր բնակիչների վրա խաղալ»։ Նրանք մշտապես սկանդալներ էին կազմակերպում եւ ամեն անգամ ակնարկում էին, որ բնակարանի տարածքն իրենց է պատկանում։ Արդյուքնում երիտասարդները որոշել էին լքել սենյակը։

Հարձակումն տեղի է ունեցել փետրվարի 3-ին, երբ զույգն իրերն տեղավորում էր մեքենայում։ Բնակիչներից մեկը՝ գործազուրկ Բեսիկ Կադարիան, կանչել է պրոդյուսերին, իբր նրա հետ մի քանի բառ փոխանակելու համար։ Ապա նրանց է միացել Կադիրիայի փեսան եւ տղամարդիկ սկսել են ծեծել Գաբելավային։ Ընդ որում՝ հարձակվողները զինված են եղել դանակով, տրավմատիկ ատրճանակով եւ մետաղյա ձողով։

«Գեորգին երեք հրազենային վնասվածք է ստացել, դրանցից երկուսը փորին, մեկը՝ կողքին։ Մի փամփուշտը բժիշկները հեռացրել են հիվանդանոցում, որտեղ իրականացվել է վիրահատությունը։ Մոտ օրերս վիրաբույժները պատրաստվում են կարգի բերել դեմքը»,-պատմել է տուժածի կինը՝ Ինգա Գաբելավան։

Գաբելավան, որին բառացիորեն ծածկել են փամփուշտներով, մտադիր է հասնել հանցագործների արդարացի պատժին։ Սակայն, նրա խոսքով՝ իրավապահ մարմինները չեն շտապում աշխատանքները սկսել այս գործով;

Գեորգի Գաբելավան բավականին հայտնի պրոդյուսեր է՝ նկարահանել է տեսահոլովակներ ռեփեր Պտախայի եւ Սերյոգայի, ինչպես նաեւ Իրակլի Պիրցխալավայի համար։