Սոցիալական ևս մեկ խնդիր ստացավ վերջնական լուծում
Blog
Նարեկ Սարգսյանը ֆեյսբուքյան իր էջում գրում է.
Ֆիրդուսի 33-րդ թաղամասի կառուցապատման արդյունքում օտարված բնակելի տարածքների բնակիչների խնդիրը տևական ժամանակ քննարկման առիթ էր հանդիսանում հասարակության լայն շերտերում:
Այսօր վերը նշված շենքի բնակիչները կառավարությունում հանդիպում են ունեցել գործադիրի ղեկավարի հետ: Հանդիպմանը ներկա են եղել նաև ՀՀ քաղաքաշինության նախարար Նարեկ Սարգսյանը և կառուցապատող «Գլենդել Հիլզ» ընկերության ներկայացուցիչները: «Գլենդել Հիլզ»-ի աշխատակիցները ներկայացրել են բնակիչներին բնակարանների կամ գումարի տեսքով փոխհատուցելու, փաստաթղթային խնդիրների լուծման ուղղությամբ կատարված և առաջիկայում նախատեսվող աշխատանքները: Ինչպես նաև զեկուցվել է, որ արդեն իսկ բնակարանների փաստաթղթերը հանձնվել են բնակիչներին, իսկ փոխհատուցման համապատասխան գործընթացը կսկսվի առաջիկայում՝ ըստ սահմանված ժամանակացույցի: Բացի այդ, ամբողջությամբ վճարվել է նաև բնակիչների բնակվարձը:
Հանդիպման ավարտին Հովիկ Աբրահամյանը ասել է, որ նախորդ հանդիպման ընթացքում ձեռք բերված բոլոր պայմանավորվածությունները կատարվել են, իսկ քաղաքացիների բնակարանային խնդիրների լուծումը եղել և մշտապես լինելու է իր անմիջական ուշադրության կենտրոնում:
Բնակիչներն էլ իրենց և բնակարանների վկայականներ ստացած բոլոր անձանց անունից շնորհակալություն են հայտնել վարչապետին՝ իրենց խնդիրներին հետամուտ լինելու և օժանդակություն ցուցաբերելու համար:
Ողջունելի է, որ ևս մեկ սոցիալական խնդիր ստացավ վերջնական լուծում:
1
2
3
4
5
1
2
3
4
5
2
3
4
