Արտակարգ իրավիճակի կանխատեսում Ղրղզստանում
Blog
Նարեկ Սարգսյանը ֆեյսբուքյան իր էջում գրում է.
Ղրղզստանի արտակարգ իրավիճակների նախարարության մամուլի կենտրոնի հաղորդման համաձայն երկրի ԳԱԱ սեյսմաբանության ինստիտուտի կանխատեսմամբ սեյսմիկ վտանգի մեծացման հերթական փուլն սպասվում է 2015 թվականին, Ղրղզստանի ամբողջ տարածքում: Առավել վտանգավոր են Հարավային Ղրղզստանի տարածքի` Տաջիկստանին և Չինաստանին հարող Բաթքենի և Օշի մարզերի սահմանամերձ գոտիները, որտեղ հնարավոր է 7- 9 բալ ուժգնությամբ երկրաշարժ:
Այս հաղորդագրությունը, որն այսօր արդեն տարածել են աշխարհի շատ լրատվական ծառայություններ, երեկվանից տեղադրված է Ղրղզստանի Հանրապետության արտակարգ իրավիճակների նախարարության պաշտոնական կայքում:
Սակայն սա դեռ բոլորը չէ: Հայտնվում է, որ 2015թ. օգոստոսին Ղրղզստանի Հանրապետության ամբողջ տարածքում էկզոգեն բնական գործընթացների ակտիվացումը կապված կլինի եղանակի փոփոխության հետ: Նախալեռնային և լեռնային շրջանների օդի ջերմաստիճանի տատանումը, քամու ուժգնացումը, տեղատարափ և տևական անձրևները կարող են ջրհեղեղի և սելավի, փլուզման, ցածրադիր վայրերի ջրածածկման պատճառ դառնալ: Անհրաժեշտ է տեղերում կազմակերպել գետերի ջրառի դիտարկման կետեր, ձեռնարկել հնարավոր արտակարգ իրավիճակների հետևանքների վերացման միջոցներ:
Աղետալի երկրաշարժի այսօրինակ կանխատեսումը հնգամսյա հեռանկարով բացառիկ երևույթ է համաշխարհային սեյսմաբանության պատմության մեջ: Ըստ երևույթին մեր ղրղզ գործընկերները մեծ հաջողության են հասել բնական այդ աղետի կանխատեսման գործում, ինչը ընդօրինակման առարկա կարող էր լինել, եթե… եթե ս.թ. օգոստոսի 2-ին երկրի տարածքում տեղի ունեցած 3 բալանոց երկրաշարժը նույնպես կանխատեսվեր վաղօրոք, այլ ոչ թե post factum:
Ամեն դեպքում, Ղրղզստանի բնակչությունն ստիպված է լինելու առաջիկա ամիսներին ապրել ահը սրտում` գիշեր- ցերեկ սպասելով իր սեյսմաբանների կանխատեսման իրականացմանը:
Գուցե ճիշտը դա՞ է:
1
2
3
4
5
1
2
3
4
5
2
3
4
