Նաիրիտցիների «ախորժակը» մեծացել է
Արմեն Վարդանյանը ֆեյսբուքյան իր էջում գրում է.
Օրերս հայտնի դարձավ, որ նաիրիտցիների խնդիրը վերջնականապես լուծում է ստացել և տարիների ընթացքում կուտակված աշխատավարձերի պարտքերը վճարվել են: Ճիշտ է, որպես անհատ քաղաքացի, ով վճարում է հարկեր, չեմ ընդունում, որ իմ փողերով վճարվեն մասնավոր կազմակերպության կուտակած աշխատավարձերի պարտքերը, բայց բարոյական տեսանկյունից հասկանում եմ պետությանը:
Թվում էր, թե այսքանով կավարտվի Նաիրիտի ոդիսականը, սակայն այսօր լրագրողների հետ հարցազրույցի ժամանակ «Նաիրիտ» գործարանի նախկին մամուլի խոսնակ Անուշ Հարությունյանը հայտարարել է, որ նրանք պատրաստվում են դիմել դատարան շանտաժի մեղադրանքով: Վերջինս պնդում է, որ աշխատավարձերի վճարումն առանց տույժ ու տուգանքների համաձայնագիրը ստորագրվել է շանտաժի միջոցով: Նա ասել է նաև, որ դեռ պետք է պարզել, թե ինչու՞ են այդ աշխատավարձերը վճարվել բյուջեից:
Զավեշտալին այն է, որ դեռ ոչ վաղ անցյալում «Նաիրիտ» գործարանի բոլոր աշխատակիցները` այդ թվում նաև Անուշ Հարությունյանը, պնդում էին, որ իրենց չի հետաքրքրում գումարի աղբյուրը, իսկ այսօր բողոքում են, որ պարտքերը մարվել են պետական բյուջեի հաշվին:
Այսինքն ի՞նչ է ստացվում` պետությունը ընդառաջ գնալով, վճարում է դեռ տարիներ առաջ լուծարված մասնավոր կազմակերպության կուտակած պարտքերը, բայց գումարը ստանալուց հետո տեղի է ունենում ախորժակի ավելացում: Մի՞թե նաիրիտցինրը չեն հասկանում, որ այսպիսի պահվածք դրսևորելով փակում են բոլոր այն խմբերի ճանապարհները, ովքեր իրենց սոցիալական խնդրի լուծումը տեսնում են կառավարության միջոցով: Ցանկացած հարցին պետք է մոտենալ ադեկվատ և չփորձել հատել լկտիության սահմանը:
1
2
3
4
5
1
3
4
5
1
2
3
5
