Տռանսֆերտներն «ընդեմ» տնտեսական ակտիվության

Մարինա Ներսեսյանը ֆեյսբուքյան իր էջում գրում է .

Ըստ վիճակագրական տվյալների, Հայաստանում վերջին 6 ամիսների ընթացքում տնտեսական ակտիվությունը կազմել է 4,2 տոկոս: Տնտեսության ճյուղերից ամենամեծ աճը գրանցվել է գյուղատնտեության ոլորտում:
Այսօր գործադիրի հերթական նիստի ժամանակ անդրադարձ է կատարվել 2015 թվականի առաջին վեց ամիսների տնտեսական ցուցանիշներին:

Ըստ փոխվարչապետի հայտարարած տվյալների ՝ արդյունաբերական արտադրանքի ծավալն աճել է 5,1 տոկոսով: Աճ է գրանցվել նաև Էներգետիկ, շինարարական և գյուղատնտեսական ոլոլորտներում: Մասնավոապես, վերջինում աճը կազմել է 100,6 տոկոս:

Այս տարվա առաջին կիսամյակում միջին ամսական անվանական աշխատավարձը պետական և մասնավոր հատվածում աճել է 110,6 տոկոսով: Ինչ վերաբերում է գնաճին, ապա այն կազմել է 5,1 տոկոս:

Անդրադառնալով հարցին՝ ինչու տնտեսական ակտիվությունը չի նկատվում առօրյա կյանքում` Վաչե Գաբրիելյանը նշել է, որ դա կապված է մասնավոր տրանֆերտների նվազման հետ, ինչի հետևանքով բնակչության մոտ նվազել է մանրածախ առևտրի ծավալը:

Հնարավոր չէ չհամաձայնել փոխվարչապետի դիտարկման հետ: Չմոռանանք, որ տրասֆերտների ուղիղ կեսը գալիս է Ռուսաստանից, որտեղ ռուբլին արժեզրկվում է, գները բարձրանում, իսկ գնողունակությունը գրանցում ցածր ցուցանիշներ:

Այնուամենայնիվ, անգամ արտաքին գործոնների ազդեցության ներքո, հնարավոր եղավ ՀՀ-ում գրանցել տնտեսական աճ: