ԱԺ չարաճճի ակտիվիստի առեղծվածային «круиз»-ը
Տիգրանուհի Դավթյանը ֆեյսբուքյան իր էջում գրում է .
Օգոստոսը քաղաքական գործիչների հանգստի ամիսն է: Այս շրջանում գրեթե բոլորը մեկնում են այս կամ այն երկիր հանգստանալու: Հանգստի է մեկնել նաև Ազգային ժողովի ուրախություն ու իշխանությունների ահ ու սարսափ Լևոն Զուրաբյանը:
Տարածված տեղեկությունների համաձայն ՀԱԿ պատգամավորը մեկնել է Թուրքիա: Լրագրողներն այս տեղեկատվությունը փորձել են ճշտել ՀԱԿ մամուլի խոսնակ Արման Մուսինյանից: Լրագրողների այն հարցին, թե Թուրքիայո՞ւմ է հանգստանում Լևոն Զուրաբյանը, Մուսինյանը, չհերքելով այդ փաստը, պարզապես պատասխանել է. «Նա արձակուրդում է»:
Մուսինյանի պատասխանից բացահայտ երևում է, որ վերջինս ամեն կերպ խուսափում է Զուրաբյանի` Թուրքիայում գտնվելու վերաբերյալ որևէ տեղկատվություն հաղորդել:
Եթե ՀԱԿ մամուլի խոսնակը չի ցանկանում խոսել վերոնշյալ թեմայից, ապա կա 2 տարբերակ` կամ Հայ ազգային կոնգրեսում ամաչում են իրենց պատգամավորի արարքից, կամ էլ կուսակցությունում, մեկը մյուսից տեղյակ չէ: Քանի որ Մուսինյանը փաստացի ոչ հերքել և ոչ էլ հաստատել է տեղեկատվությունը, կարծում եմ ունենք բավարար հիմքեր բացառելու երկրորդ տարբերակը: Թե ինչքա՞ն պետք է կոնգրեսականները փախչեն լրագրողների հարցերից Լևոն կրտսերի պատճառով, դեռ անհայտ է....
Ի դեպ սա առաջին անգամը չէ, որ վերջինս իր գործընկերներին կանգնեցնում է անհարմար իրավիճակի առաջ:
Չի բացառվում նաև, որ Պառլամենտի չարաճճի ակտիվիստը հորդորել է իր գտնվելու վայրի մասին ոչ մի տեղեկություն չհրապարակել:
Դե ինչ... Երևի թե, մինչ մենք այստեղ քննարկում ենք ՀԱԿ խոսնակի մութ պատասխանները, հեռու հեռվում, թուրքական ծովափին պառկած, Զուրաբյան Լևոնը ծրագրում է մարդկության փրկության բանաձևերը:
1
2
3
4
5
1
3
4
5
1
2
3
5
