Սահմանադրական բարեփոխումների առնչությամբ ԲՀԿ-ն իր տեսակետը չի փոխել
Քաղաքականություն
«Բարգավաճ Հայաստան» կուսակցությունը սահմանադրական բարեփոխումների հայեցակարգի առնչությամբ առաջարկներ չի ներկայացրել: Պատճառն այն է, որ կուսակցությունն իր մոտեցումները խորհրդարանական կառավարման մոդելի առնչությամբ չի փոխել եւ կարծում է, որ Հայաստանը պետք է շարունակի կառավարվել կիսանախագահական մոդելով: Տեսակետը ԱԺ պատգամավոր, ԲՀԿ մամուլի խոսնակ Վահան Բաբայանինն է: «Այս հարցի առնչությամբ պասիվ ենք»,- ասաց Բաբայանը:
Անդրադառնալով Գոհար Ենոքյանի ձերբակալությանը՝ պատգամավորն ասաց, որ տեսակետ չունի, քանի որ գործը գտնվում է քննչական ծառայության եւ իրավապահ մարմինների ուշադրության կենտրոնում: «Իրավական գնահատական տալ չեմ կարող: Ինչ վերաբերում է բարոյական մասին, ապա երեկ տեղի է ունեցել ստորագրահավաք եւ պատգամավորները դիմել են Ենոքյանի խափանման միջոցը փոխելու առնչությամբ, քանի որ նրա առողջական վիճակը լավ չէ»,- ասաց Բաբայանը` հավելելով, որ ինքը ստորագրահավաքին չի միացել զուտ տեխնիկական խնդիրների պատճառով, սակայն գործընկերների քայլը գնահատում է մարդասիրական:
1
2
3
4
5
1
2
3
4
5
2
3
