Տեսնես հասունացում կգա՞ մեր քաղաքական դաշտին, որ խորհեն ստեղծված իրավիճակից իրատեսական ելքի մասին
Պեպանյան Արծրունը ֆեյսբուքյան իր էջում գրում է.
Կապիտալիզմի կայացման վայրի փուլում ընտրություններ չեն լինում, հատկապես, եթե ժողովուրդը կազմակերպված չէ այնքան, որ պետական անկախ ինստիտուտներ ձևավորի: Իշխանություններն ամեն առիթով սա նուրբ կամ կոպիտ ձևերով բացատրում-հասկացնում են ժողովրդին: Ամենալավ բացատրությունը եղավ 2012-ին / պիտի լինի 2010-ԱՊ/: Տեղամասերից մեկում մեծամասնականով առաջադրվել էր Նիկոլ Փաշինյանը: Նա ահռելի հեղինակություն ուներ այդ պահին, հատկապես որ բանտում էր գտնվում: Իշխանությունները նրա դեմ հանեցին մի մարդու, ում ոչ ոք չէր ճանաչում, ու ... նա հաղթեց Նիկոլին:
Այս դեպքից հետո անգամ երեխային պիտի ըմբռնելի լիներ, որ ընտրություններից խոսելը մանկամտություն է: Բայց ահա մեր չափահասները դա դժվարանում են ըմբռնել ու կռիվ են տալիս հրապարակավ, թե Սահմանադրության նախագծում ընտրությունների մասով մի քիչ այն չէ գրված: Իսկ որ ուրիշ բան գրված լիներ, ի՞նչ՝ ընտրությամբ իշխանություն էիք փոխելու՞...
Տեսնես հասունացում կգա՞ մեր քաղաքական դաշտին, որ անպտուղ պայքար-պայքարները թողնեն ու խորհեն ստեղծված իրավիճակից իրատեսական ելքի մասին:
1
2
3
4
5
1
3
4
5
1
2
3
5
