"Իրազեկ" աղբյուրը պնդում է, իսկ "իրազեկները" տեղյակ չեն
Լևոն Մութաֆյանը ֆեյսբուքյան իր էջում գրում է.
Այսօր ,,Հրապարակ,, թերթը խիստ համոզիչ և ,,իրազեկ,, աղբյուրներից մատակարարված տեղեկություն էր տպագրել այն մասին, թե, իբր, ԼՂՀ նախագահ Բակո Սահակյանը և Հայաստանի զինվորական վերնախավը խնդիր են դրել և պահանջել են Սյունիքի մարզպետ Սուրիկ Խաչատրյանի հրաժարականը: Եվ, իբրև թե, որոշումն արդեն կայացված է...
,,Հրապարակ,, թերթի ոճին ու ճշմարտության ,,մունետիկ,, լինելուն ծանոթ ենք: Այս թերթը հաճախ է զրպարտչական բնույթի, չստուգվածտեղեկություններ տպագրում՝ ամեն անգամ հենվելով ,,իրազեկ,, աղբյուրների վրա: Եվ այս մի ,,իրազեկված,, տեղեկատվությունն էլ, հաստատ, այդ ոլորտից է: Շատերն են հուշում այն աղբյուրները, որոնցից սնվում է այս թերթը, անգամ ոմանք մատնանշում են այն անձանց, որոնք ֆինանսավորում են թերթը: Մենք ձեռնպահ ենք մնում որևէ մեկնաբանությունից, որովհետև, ի տարբերություն այս թերթում ,,բանող,, որոշ լրագրողների, հակված չենք չստուգված փաստերով առաջնորդվել:
Բայց իսկապես տարօրինակ է թվում, որ Բակո Սահակյանը պահանջած լինի Սուրիկ Խաչատրյանի հրաժարականը, երբ նրանք շատ մտերիմ են, Սուրիկ Խաչատրյանը մի քանի ծրագիր է իրականացրել Լեռնային Ղարաբաղում, իսկ Բուդաղյանների հետ կատարված դեպքի օրն էլ Բակո Սահակիչը եղել է Սուրիկ Խաչատրյանի, Մաքսիմ Հակոբյանի հետ և մի կտոր հաց են կիսել... Հայաստանի զինվորական վերնախավն էլ վատ չէ տրամադրված Սուրիկ Խաչատրյանի հանդեպ, քանի որ բանակին անհրաժեշտ մի քանի նախաձեռնություններով է հանդես եկել, 4-րդ բանակային կորպուսւ պոլիգոններից մեկը տանող ճանապարհն է բարեկարգել՝ ահռելի ֆինանսական միջոցներ ներդնելով:
Սյունիքի մարզը, շնորհիվ նաև Սուրիկ Խաչատրյանի, միշտ կատարում է զորակոչի ,,պլանը,, , Սյունիքի մարզպետը մեծ աջակցություն է ցուցաբերում Սիսիանում և Կապանում, Մեղրիում տեղակայված զորամասերին: Հետևաբար, մենք հավանական չենք համարում այն, որ Հայաստանի բանակի ղեկավարությունը, իբր խիստ վիրավորված գնդապետ Բուդաղյանի հետ կատարվածից, պահանջել է մարզպետի հրաժարականը: Դեպքից անցել է մեկ տարուց ավելի, որտե՞ղ էր այդ հրամանատարությունը, ինչու՞ նույն զինվորական հրամանատարությունը չէր խոսում այն մասին, թե ինչպես պատահեց, որ դեպքից անմիջապես հետո Բուդաղյանի պաշտոնը բարձրացվեց, նա զորամասի հրամանատարից տեղափոխվեց կորպուսի հրամանատարի տեղակալի պաշտոնին... Իհարկե, տեղյակ ենք, որ Սուրիկ Խաչատրյանի որդու կալանավորումից անմիջապես հետո լուրեր տարածվեցին, թե մարզպետը պաշտոնանկ է արվելու, նրա փոխարեն նշանակվելու է ԼՂՀ ոստիկանապետ Կարեն Օհանջանյանը: Կարծում ենք, որ ,,Հրապարակի,, ,,իրազեկ,, աղբյուրը հենց այս շրջապատից է...
Իսկ հիմա մեր գործընկերներին ասենք ճշմարտության մոտ վարկածը: Այո, Սուրիկ Խաչատրյանին կամենում են ,,նեղը լծել,, , կամենում են պատժել: Կարդացեք մեր հոդվածն այդ մասին: Ու այդ ,,գործընթացի,, թիկունքին բնավ էլ Բակո Սահակյանն ու Հայաստանի զինվորական հրամանատարությունը չեն...Առաջին հերթին, երկրի նախագահն է՝ իր ականջին փսփսացողներով...
1
2
3
4
5
1
3
4
5
1
2
3
5
