Ինչքան երկարում է այս պրոցեսը, այդքան հայտնի է դառնում Հայաստանն աշխարհում ու շուտով կդառնա աշխարհի իդեալը. Նիկոլ Փաշինյան

«ՀՀԿ-ն այլևս բարոյապես գոյություն չունի, եթե անգամ փողոցում մի տեղ տեսնեք հանրապետական որևէ պատգամավորի, չնկատելու տվեք, որովհետև իրենք այսուհետ գոյություն չունեն»,- Հանրապետության հրապարակում ասաց Նիկոլ Փաշինյանը: Նա հանրահավաքին եկած քաղաքացիներին շնորհակալություն հայտնեց՝ ասելով, որ ուզում է խոնարհվել նրանց առջև․

«Ես երեկ եմ ասել, որ ինչ պետք է այսօր տեղի ունենար ԱԺ-ում, այդքան էական չէ: Ինչքան երկարում է այս պրոցեսը, այդքան հայտնի է դառնում Հայաստանն աշխարհում ու շուտով կդառնա աշխարհի իդեալը: ՀՀ-ի վարկանիշն աշխարհում երբեք այսքան բարձր չի եղել, ինչքան այսօր: ԱԺ-ն, կառավարությունը այժմ երկրորդական բաներ են, որովհետև այժմ աշխարհի ուշադրությունն այս հրապարակի վրա է, ու աշխարհում շարունակում են զարմանալ՝ ինչպիսի քաղաքակիրթ, ինչպիսի զուսպ ազգի հետ գործ ունի»,- ընդծեց նա:

Փաշինյանը նաև տեղեկացրեց վաղվա անելիքների մասին․ «Վաղը առավոտվա 8:15-ից տոտալ գործադուլ ու տոտալ դասադուլ, շրջափակում ենք հաղորդակցության բոլոր միջոցները՝ երկաթուղին, օդանավակայանն ու փողոցները, ամեն ինչ, ՀՀ քաղաքացիները դուրս են գալիս պահանջով, որ իրենց թեկնածուն դառնա վարչապետ: Երեկոյան ժամը 19:00-ին կրկին ռեկորդային հանրահավաք է տեղի ունենալու: Այսօրվա հանրահավքը ռեկորդայինն է այս օրերի մեջ»,- շարունակեց Փաշինյանը: Նա ընգծեց, որ այս պայքարը չի կարող չավարտվել հաղթանակով․ «Չկա այլ տարբերակ, ուղղակի գոյություն չունի: Վաղը կարիք չի լինի փողոցը փակելու համար որևէ մեկից ներողություն խնդրել, որովհետև Հայաստանում արդեն գրեթե չեն մնացել մարդիկ, որոնք կողմ չեն այս հաղթանակին»:

Մանրամասները՝ այստեղ 

Այս թեմայով Գագիկ Ծառուկյանը հանդիպել է Նիկոլ Փաշինյանի հետ Իշխանությունը ճամպրուկ չէ. Ռոբերտ Քոչարյանը կարծում է, որ Փաշինյանը քաղաքական շանտաժ է արել (տեսանյութ) Տեսեք ով հենց նոր ժամանեց Միացյալ նահանգներից, որպեսզի սատարի Նիկոլ Փաշինյանին ՆԻկոլ Փաշինյանի եզրափակիչ ելույթը... ՀՐԱՏԱՊ. 55 Հանրապետականներ դեմ քվեարկեցին Նիկոլ Փաշինյանին. վարչապետ չնտրվեց