Փաստաբանների պալատը դիմել է գործադիր իշխանությանը փաստաբանի մասնագիտության վերաբերյալ Եվրոպական կոնվենցիայի ընդունմանը աջակցելու խնդրանքով
Քաղաքականություն2018 թվականի հունվարի 24-ին Եվրոպայի Խորհրդի խորհրդարանական վեհաժողովը ձայների գերակշիռ մեծամասնությամբ ընդունել է մի հանձնարարական, որը կոչ է անում Նախարարների կոմիտեին մշակել և ընդունել Փաստաբանի մասնագիտության վերաբերյալ եվրոպական կոնվենցիա, որը կներառի արդյունավետ վերահսկողական մեխանիզմներ։ Մասնավորապես, Վեհաժողովը առաջարկում է ստեղծել վաղ ահազանգման մեխանիզմ փաստաբանների անվտանգության և անկախության և իրենց մասնագիտական գործառույթները արդյունավետորեն կատարելու նկատմամբ անմիջական սպառնալիքներին անմիջապես արձագանքելու համար, լրագրողների պաշտպանության և լրագրողների անվտանգության Եվրոպայի խորհրդի Պլատֆորմի մոդելի հիման վրա:
Այդ առաջարկությունը ստացել է ոչ միայն ՀՀ փաստաբանների պալատի, այլ նաև Եվրոպայի փաստաբանների և իրավաբանների միությունների խորհրդի ԵՓԻՄԽ/CCBE աջակցությունը, որը ներկայացնում է 45 երկրների փաստաբանների միություններ, ավելի քան մեկ միլիոն եվրոպացի փաստաբանների։
Փաստաբանների պալատի նախագահ Արա Զոհրաբյանը դիմել է ՀՀ արդարադատության նախարարի և ՀՀ արտաքին գործերի նախարարի պաշտոնակատարներին խնդրելով աջակցել այս հավակնոտ նախաձեռնությանը, որի ընդունումը կդառնա մեծ առաջընթաց մարդու իրավունքների պաշտպանության և իրավունքի գերակայության ապահովման հարցում։
1
2
3
4
5
3
4
5
1
2
3
4
5
