Հայկ Բաբուխանյանը բեղերով է մտածում

Շավարշ Բզնունյանը ֆեյսբուքյան իր էջում գրում է.

Կա գործիչ, ով այս օրերին իրեն հատկապես կարևորված է զգում, քանի որ իր լրատվամիջոցով պառակտիչ գործունեություն է ծավալում և մտածում է, թե կարևոր գործ է անում։ Դա նախկին ընդդիմադիր, ՀՀԿ—ի դեմ պայքարած, հետագայում նույն ՀՀԿ-ի գրկում հանգրվան գտած, վաստակավոր գունափոխ Հայկ Բաբուխանյանն է։ 
Այս գործիչը այս օրերին թերևս վայելում է իր կյանքի աստեղային ժամը, քանի որ իր դեղին մամուլի համբավ ունեցող «Իրավունք» թերթով և համանուն կայքով լծվել է Գագիկ Ծառուկյանին և ԲՀԿ-ին սևացնելու, համաժողովդրական շարժման հաղթանակը փնովելու և Ծառուկյան-Փաշինյան միասնությունը պառակտելու գործին։

Դա արտահայտվում է ամեն օր թերթում կամ համանուն կայքում վերոնշյալ ուղղվածությամբ առնվազն մեկ հոդված կամ կեղծ լուր գրելով։ «Իրավունքը» հղում է անում իր չեղած «լավատեղյակ աղբյուրներին» և գրում ինչ-որ կեղծ լուր՝ դա մատուցելով որպես ճշմարտություն։

Սա իհարկե հիշեցնում է հոգեկան շեղվածություն, պարանոյա կամ սևեռուն մտքերի առկայություն թերթի և նրա սեփականատեր Հայկ Բաբուխանյանի մոտ, քանի որ եթե որևէ մեկը ամեն օր նույն թմեայի մասին ինչ-որ բան է խոսում կամ գրում, ուրեմն նրա մոտ սևեռուն մտքեր են, որոնցից նա չի կարողանում ձերբազատվել։

Իհարկե պատվերը պատվեր, հասկանալի է որ Հայկ Բաբուխանյանը և նրա թերթը կատարում են որոշ ուժերի և անձանց պատվերը՝ Ծառուկյան-Փաշինյան միասնության մեջ սեպ խրելու համար, քանի որ նույն այդ ուժերը սարսափած են այդ միասնությունից և առաջիկայում սպասվող արտահերթ ընտրություններից։ Բայց միայն պատվերով բացատրելը այս դեպքում քիչ է, քանի որ «Իրավունքի» կամ Բաբուխանյանի մոտ ակնհայտ է սևեռուն մտքերի առկայությունը։ Չի բացառվում, որ ԲՀԿ-ի անունը լսելիս Բաբուխանյանի մոտ անգամ ճնշման տատանումներ են լինում, արագանում է սրտի զարկերը, հիստերիա է սկսում։ Հետևաբար ճիշտ կլիներ, որ Բաբուխանյանը այցելեր բժիշկի մոտ և հետազոտվեր։

Ինչևէ, Հայկ Բաբուխայնյանը մտածում է, որ իր թերթով լուրջ գործ է անում և այս օրերին երևի իրեն դրել է իր երազած գործչի տեղը, այնինչ կողքից այդ ամենը շատ ծիծաղելի է թվում, քանի որ հասարակությունը նախ գիտի, թե ով է Բաբուխանյանը և չի կարող նրան ու նրա գրածներին լուրջ վերաբերվել, երկրորդ, հաղթանակած ժողովրդին անհնար է ապակողմնորոշել դեղին մամուլի կեղծ լուրերով։ Այս ակնհայտ փաստը Բաբուխանյանը չի հասկանում, քանի որ թերևս մտածում է բեղերով։