Հայ «պանդուխտի» ֆոբիաները
Տիգրանուհի Դավթյանը ֆեյսբուքյան իր էջում գրում է .
Օրերս բավականին մեծ աղմուկ էր բարձրացրել Եվրասիական երիտասարդական խորհրդարանի նախագահ Անդրանիկ Նիկողոսյանի հարցազրույցի շուրջ: Վերջինս նշել էր, որ Հայաստանը հանրաքվեյի միջոցով պետք է անցնի Ռուսաստանի կազմի մեջ:
Կարծում եմ հասարակության բացասական ռեակցիան տրամաբանական էր և մտածելու առիթ կունենայինք, եթե նմանատիպ հայտարարությունները չդատապարտվեին մեր հանրության կողմից: Ինչևէ...
Նիկողոսյանը երեկ հանդես էր եկել, այսպես ասած պարզաբանող հայտարարությամբ:
Ամբողջ տեսքստն ընթերցելուց հետո, անկեղծ ասած այնպիսի տպավորություն էր, որ Նիկողոսյանը գտնվում է խորը հոգեկան ճգնաժամի մեջ, կամ էլ տառապում է տարատեսակ ֆոբիաներով (կոնկրետ հատվածներում նրա մոտ նկատելի էր սոցիոֆոբիա, էրգոֆոբիա, սպեկտրոֆոբիա):
Ի՞նչ է ասել Նիկողոսյանը:
Բացի Իսլամական Պետության գրոհայիններից, Հայաստանը պատերազմի թատերաբեմ վերածելուց, «ապոկալիպսիսից» և աստերոիդների հնարավոր բախումներից, Նիկողոսյանը խոսել է նաև ՀՀ անկախությունից: Նրա կարծիքով մենք այսօր էլ զրկված ենք ինքնիշխանության որոշակի մասից.
«Հայաստանի իշխանություններն են ցանկություն հայտնել մտնել Մաքսային միություն, հետագայում էլ՝ ԵԱՏՄ, և իրենք են համաձայնվել Հայաստանի ինքնիշխանությունից որոշակի զիջումներ անել՝ ՀՀ-ի անվտանգության դիմաց, ու անգամ համաձայնվել, որ մեր կամքով, ասել է թե՝ միակողմանի, չենք կարող որոշում կայացնել ու դուրս գալ Եվրասիական տնտեսական միությունից: Ու հաստատ այս ու նմանատիպ այլ որոշումների հարցում Անդրանիկ Նիկողոսյանի մատը խառը չէ»:
Առհասարակ կարիք չկար անդրադառնալ նման միջակությունների տգետ պոռթկումներին, բայց ամեն դեպքում հարկ եմ համարում, որոշակի հիշեցումներ անել:
Ի՞նչ է նշանակում «ինքնիշխանությունից զիջումներ անել անվտանգության համար»: Եվրասիական տնտեսական միությունը նախ և առաջ տնտեսական կառույց է, որին անդամակցելով Հայաստանը նպատակ ուներ դուրս գալ մեծ շուկա և սպառման նոր հորիզոններ գտնել հայկական արտադրանքի իրացման համար: Այո, Ռուսաստանը հանդիսանում է ՀՀ ռազմավարական գործընկերը, սակայն ԵԱՏՄ անդամակցության առաջնային նպատակը ՀՀ-ի անվտանգությունը չէր:
Անդրանիկ Նիկողոսյանն ակնհայտ թերագնահատում է ՀՀ զինված ուժերին: Ինչու՞ է ամեն անգամ, հարցազրույցի ժամանակ խոսում ՀՀ սահմանների խոցելիությունից և Ադրբեջանի կազմի մեջ մտնելուց: Ինչու՞ է այս մարդն այսքան վախեցած:
Կարծում եմ պետք է նրա նմաններին հիշեցնել, որ քանի դեռ դուք հեռու հեռվում զբաղված եք «ատկատներով» և սահմանափակվում եք «լուրջ-լուրջ» հարցազրույցներով, Հայաստանի սահմանը հսկում են ՀՀ քաղաքացիները: Կարիք չկա խոսել մի թեմայից, որի մասին գոնե 3% պատկերացում չունեք:
Ինչ վերաբերվում է Անդրանիկ Նիկողոսյանի «մատը խառը լինել կամ չլինելուն», ապա ասեմ, որ այստեղ էլ թեթև տեղը ծանրացնելու բարդույթի հետ գործ ունենք:
Պարոն Նիկողոսյան, կարծում եմ, դուք շատ փոքր մարդ եք, որպեսզի խառը լինեք միազգային մասշտաբի խնդիրներով: Ավելի լավ է մտածեք ձեր անվան շուրջ պտտվող սեքս-սկանդալի, ահռելի ատկատների և այլ խնդիրների մասին:
Պարոն Նիկողոսյան, լավ կլինի. որ խոսեք այն ժամանակ, երբ ունեք ասելիք....
1
2
3
4
5
1
3
4
5
1
2
3
5
