Վերջացրեք նման էժանագին շոուներ կազմակերպելու գործընթացը
Հասարակություն
Մի քանի օր շրջանառության մեջ դրված այն սուտ տեղեկատվությունը, թե իբր Սպորտի և երիտասարդության հարցերի նախարարությունը փորձել է Գագիկ Ծառուկյանի տղային՝ Նվեր Ծառուկյանին, տարկետման իրավունք տալ, կարծես թե պետք է դադարեր, երբ հանրությանը ներկայացվեցին պարզաբանումներ, որ Նվեր Ծառուկյանը անվճար հիմունքներով է ընդունվել ԲՈՒՀ և որ մինչև 2021 թվականը, նա օրենքով սահմանված կարգով տարկետման իրավունք արդեն իսկ ունի:
Այդ սադրիչ խոսակցություններին վերջ դնելու համար, անգամ Գագիկ Ծառուկյանը հորդորով հանդես եկավ՝ դիմելով Սպորտի նախարարությունը, որպեսզի նրա տղայի անունը հանեն այն ներկայացված մարզիկների ցուցակից, որոնց՝ ուշադրություն, կրկին օրենքով տարկետում էր հասնում: Այդ ամենը սկսվել էր ինչ-որ ֆեյսբուքյան օգտատերերից, ովքեր ուղղորդված կերպով այս թեման շոշափում էին դեռևս օրեր առաջ:
Բայց արի ու տես, որ այսքանից հետո դեռ կան անհասկացող դեգեներատներ, ովքեր անգամ լրատվական կայքի մակարդակով շարունակում են այդ սին տեղեկատվությունը տարածել, դեռ մի բան էլ ավելի ծաղկեցված ու գույնզգույն երանգներով: Չնյած նմանատիպ դեպքերից է պարզ դառնում, որ այն ուժերն ու անհատները, ովքեր պատվերներ են իջեցնում Գագիկ Ծառուկյանի դեմ, ցանկալի արդյունքի չեն հասնում և որպես մխիթարանք գոնե մեկ-երկու օր ինչ-որ սուտ տեղեկատվություններ են տարածում, ինչը շարքային շառլատանի պահվածքից ոչնչով չի տարբերվում:
Վերջացրեք պարոնայք նման էժանագին շոուներ կազմակերպելու գործընթացը, դրանից տուժում եք միայն դուք, և ձեր լրատվականներ.Ի սկզբանե սուտ լուրին նոր գույներ հաղորդելով թե իբր էսպես է եղել, այնպես է եղել չեք բարձրացնելու մշտապես սպասարկուի դերում հանդես եկող, առանց այն էլ ցածր ձեր վարկանիշը:
1
2
3
4
5
2
3
4
1
2
3
4
5
