Որոշ լրատվամիջոցներ շարունակում են շահարկել Նվեր Ծառուկյանի թեման
Հասարակություն
Սմբատ Ավագյանն իր ֆեյսբուքյան էջում գրում է.
Օրեր առաջ որոշ օգտատերերի միջոցով արհեստական կերպով դաշտ նետվեց Գագիկ Ծառուկյանի որդու՝ Նվեր Ծառուկյանի՝ բանակից տարկետում ստանալու մասին թեման։ Իրականում թեման շահարկման որևէ առիթ չունի, քանի որ դա արվել է Կառավարության որոշմամբ՝ մարզիկին տարկետում տալու համար (Նվեր Ծառուկյանը Եվրոպայի բազկամարտի առաջնության մրցանակակիր է)։ Սակայն ոմանք որոշեցին անմիջապես վերցնել և ծամծմել այս թեման։
Չնայած այն հանգամանքին, որ Նվեր Ծառուկյանը ուսանում է Հայաստանի պետական տնտեսագիտական համալսարանում անվճար հիմունքներով տարկետում էր ստացել մինչև 2021 թվականը, սակայն շահարկումենրը շարունակվեցին այնքան, որ Գագիկ Ծառուկյանը անձամբ միջամտեց և կոչ արեց իր որդուն չներառել տարկետում ստացողների ցանկում։
Թվում է, թե այսքանով թեման պետք է փակվեր, բայց որոշ լրատվամիոջցներ որոշել են շարունակել իրենց շահարկումենրը, դիմելով արդեն բացահայտ ստերի, իբր հարցին խառնվել է Նիկոլ Փաշինյանը և այլն։
Մոտիվը միանգամայն պարզ է․ Նիկոլ Փաշինյանի և Գագիկ Ծառուկյանի միջև սեպ խրելու վաղուց փայփայած, բայց ձախողված ցանկությունը, ինչի արդյունքում որոշ լրատվամիջոցներ օրական մի սուտ հրապարակում են մատուցում ընթերցողին։ Սակայն, ինչպես փորձը ցույց է տալիս, բոլոր այս փորձերը միշտ ենթակա են ձախողման, քանի որ համաժողովրդական շարժման հաղթանակով ամրապնդված համագործակցությունը չի կարող խաթարվել կեղծ լուրերի և սադրիչ նյութերի միջոցով։
1
2
3
4
5
2
3
4
1
2
3
4
5
