Ո՞վ է դոն Պիպոն

1. ը «Նոր Հայաստան: Ո՞վ է Դոն Պիպոն և ինչով է նա վախեցրել Նիկոլ Փաշինյանին» հոդվածում գրում է, թե «թավշյա հեղափոխությունից » հետո Հայաստանում հաճախ սկսեց հնչել Արթուր Ասատրյանի անունը, «սկզբից՝ էջմիածինի ֆեոդալ Մանվելի հետ կոնֆլիկտի մասով, հետո՝ այլ թեմաներով: Արթուր Ասատրյանը, նույն ինքը՝ Դոն Պիպոն, հայ քրեական հեղինակություն է, որի անվան հետ կապված են մի շարք աղմուկ հանած գործեր:

Դոն Պիպոն թագադրված «օրենքով գող» է: Նա հատկապես հայտնի դարձավ 2013 թվականին, երբ Իտալիայի կառավարությունը նրա նկատմամբ հայտարարեց միջազգային հետախուզում՝ կապված «օրենքով գող» Ասլան Ուսոյանի (Դեդ Հասան) սպանության հետ: Նա  Իտալիայից վերադառնալով հայրենի էջմիածին՝  սկսեց  ակտիվորեն անշարժ գույք գնել: Չնայած Դոն Պիպոն առաջ միշտ  գտնվում էր Իտալիայում, բայց նա  հիմնականում իր ֆինանսական գործունեությունը ծավալում  էր Ռուսաստանում:  Նրա հիմնական ակտիվը «Դանվեստա» ընկերությունն է, որը ունի առևտրի կրպակների խոշոր ցանց Մոսկվայում՝ 2016 թվականի վերջում՝ 140 կրպակ: Նա նաև նոր տիպի կրպակների մոնոպոլ արտադրություն է իրականացնում: « Դանվեստա » ընկերությանն են պատկանում նաև «Բոգորոդսկի» և «Պանորամա» առևտրի կենտրոնները, «Սիթիմեն» տաքսի սերվիսը, Սերգիև-Պասսադի ալրաղացը, «Շելկովկա» ֆերմերային տնտեսությունը: Դոն Պիպոյի  որդին՝ Եղիա Ասատրյանը, զբաղվում է գյուղատնտեսական բիզնեսով: Նրան են պատկանում«Ագրոֆերմա»,  «Ագրո-ինվեստ» և  «Ագրոգրիբ» ընկերությունների ակցիաների 10-ական %-ները, «Մարս» ընկերությունն ամբողջությամբ  (կառուցում և վարձակալությամբ է տալիս անշարժ գույք Կալուգայում)»:

Կայքը նշում է, թե իրենք բազմիցս գրել են, որ Հայաստանի կառավարությունը սերտաճած է կրիմինալ աշխարհի հետ, օրինակ, որ Սերժ Սարգսյանը խնջույքի է մասնակցել Դեդ Հասանի, Չակոյի և այլ հեղինակությունների հետ. «Դոն Պիպոն 2017 թվականին Հայաստան էր հրավիրել հանրահայտ երգչուհի Օռնելա Մուտիին, իսկ դահլիճում նստած էին այն ժամանակվա վարչապետ Կարեն Կարապետյանը, կաթողիկոսներ  Արամ Առաջինը և Գարեգին Երկրորդը: Դոն Պիպոն ներկայումս կալանավորված է և  մոտակա երկու ամիսները կանցկացնի բանտում, իսկ ինչ կպատահի հետո, ցույց կտա ժամանակը: