Հենրիխ Մխիթարյան. Շատ հեշտ է խաղալ Աարոն Ռեմզիի կողքին
Սպորտ
Հայաստանի հավաքականի եւ Լոնդոնի «Արսենալի» կիսապաշտպան Հենրիխ Մխիթարյանը ուելսցի Աարոն Ռեմզիին կոչ է արել մնալ անգլիական ակումբում:
«Նա արդեն 10 տարի այս ակումբում է եւ հասցրել է դառնալ թիմի խորհրդանիշը: Ուրախ կլինեմ, եթե Ռեմզին կնքի նոր պայմանագիր, քանի որ նա արդեն մտել է «Արսենալի» պատմության մեջ:
Նրա աշխատասիրությունը շատ բարձր մակարդակի վրա է, եւ բոլորը գնահատում են այն ամենը, ինչ նա անում է խաղադաշտում ու դրա սահմաններից դուրս: Իրոք, Ռեմզին իսկական պրոֆեսիոնալ է: Շատ հեշտ է խաղալ Աարոնի կողքին, քանի որ նա մեծ աշխատանք է կատարում դաշտում: Շատ երջանիկ կլինեմ, եթե նա մնա ակումբում: Նա կարող է դառնալ «Արսենալի» լեգենդը»,- Մխիթարյանի խոսքը մեջբերում է irishexaminer.com-ը:
Հիշեցնենք, որ 27-ամյա Ռեմզին 2008 թվականից է «Արսենալի» համակարգում, իսկ նրա գործող պայմանագիրն ավարտվում է 2019 թվականի ամռանը: Անգլիական ակումբն այս օրերին հավաք է անցկացնում Սինգապուրում, որտեղ հուլիսի 26-ին ընկերական հանդիպում կանցկացնի Մադրիդի «Աթլետիկոյի» հետ, իսկ հուլիսի 28-ին կմրցի ֆրանսիական ՊՍԺ-ի հետ:
1
2
3
4
5
1
2
3
4
1
2
