Հայաստանում ամերիկյան համալսարանի «Էպիկ» կենտրոնը Թավշյա հեղափոխության մասին կոմքիքսների գիրք է կազմում
ՀասարակությունՀայաստանում ամերիկյան համալսարանի (ՀԱՀ) «Էպիկ» կենտրոնի անդամները Թավշյա հեղափոխության մասին «The Armenian Velvet Revolution» վերնագրով կոմիքսների գիրք են կազմում: «Արմենպրես»-ի փոխանցմամբ` օգոստոսի 1-ին ՀԱՀ-ում տեղի ունեցավ գրքի նախագծի շնորհանդեսը, որին ներկա էին հեղափոխությունն առաջնորդած բարձրաստիճան պաշտոնյաները: Առաջին փոխվարչապետԱրարատ Միրզոյանի խոսքով` գիրքը առիթ է վերհիշելու այն ամենը, ինչն այդ օրերին չեն հասցրել վայելել:
«Հեղափոխության մասին հիշելիս երկակի զգացողություն եմ ունենում: Առաջինը,բնականաբար, գոհունակության զգացողությունն է, երկրորդը ափսոսանքի զգացողությունն է: Ափսոսանք, որ դա շատ արագ եղավ, և ոչ մի վայրկյան վայելելու ժամանակ չեղավ, որովհետևանընդհատ պատասխանատվության զգացումը խեղդում էր: Սա ևս մեկ հրաշալի առիթ է` հուզական առումով վերապրելու այդ ամենը, և քանի որ սա պատմական իրադարձություն էր, այս կոմիքսները պատմության մեջ փաստագրելու շատ կարևոր դեր են խաղալու»,- ասաց Միրզոյանը:
Փոխվարչապետ Տիգրան Ավինյանը ողջունեց նախաձեռնությունը, ասելով, որ գիրքը կազմող երիտասարդներն իրականացնում են հեղափոխության օրերի իր միտքը:
«Միշտ Հեղափոխության ընթացքում մտածում էի, որ այդ ամենը անպայման պետք է մեկըարձանագրի: Ոչ մեկը չկար մեր կողքը, որ անընդհատ հավաքագրեր այն ամենն, ինչ տեղի էրունենում: Ես հենց առաջին նկարից հասկացա, որ շատ մոտ է լինելու իրականությանը այն, ինչդուք ներկայացնում եք»,- ասաց Տիգրան Ավինյանը:
Կոմիքսների գրքի համահեղինակներից Քրիստինե Ասլանյանի խոսքով` գիրքը ողջ աշխարհին հեղափոխություն իրականացնելու խաղաղ ձևերը սովորեցնելու միտում ունի:
«Սա պատմություն չի իշխանափոխության, «Քաղաքացիական պայմանագիր» կուսակցությանմասին, սա պատմություն է խաղաղության մասին: Մենք ասում ենք, որ խաղաղության միջոցովկարելի է հասնել այնպիսի հեղափոխության, որին ոչ-ոք չի կարողացել հասնել: Կոմիքսներըլինելու են երեք լեզվով` հայերեն, ռուսերեն, անգլերեն, որպեսզի մեր Թավշյա հեղափոխությանմասին բոլորը իմանան ու սովորեն»,- ասաց Քրիստինե Ասլանյանը:
Միջոցառման ավարտին երիտասարդները գործարկեցին ինտերնետային հաշիվը, որտեղ հավաքվելու է գրքի կազմման համար անհրաժեշտ 10 հազար դոլար գումարը:
1
2
3
4
5
2
3
4
1
2
3
4
5
