Մեծ վաստակ ունեցող մարզական գործիչները խրախուսվում են

Այսօր այդ ոլորտի իրավահարաբերությունները կարգավորվել են ՀՀ կառավարության որոշմամբ, որը կխրախուսի մարզիչների և մարզիկների մարզական ակտիվ գործունեությունը, կնպաստի նրանց սոցիալական վիճակի բարելավմանը, նոր` ավելի մեծ արդյունքների նվաճմանը, ֆիզիկական կուլտուրայի և սպորտի զարգացմանը:

Մինչև յուրաքանչյուր տարվա դեկտեմբերի 15- ը ՀՀ մարզական ֆեդերացիաները ՀՀ սպորտի և երիտասարդության հարցերի նախարարություն են ներկայացնում հավաքական թիմերի հետ աշխատող բարձր արդյունք ցուցաբերած մարզաձևերի գլխավոր է ավագ մարզիչների ցուցակը և տվյալ տարի աշխարհի չեմպիոն դարձած մարզիկների ցուցակը:

Վարձատրություն ստացող մարզիչների և պատվովճար ստացող մարզիկների ցուցակները ամեն տարի հաստատվում են նախարարի հրամանով: Ըստ հրամանի վարձատրվում են հավաքական թիմերի այն գլխավոր և ավագ մարզիչները, ովքեր հավաքական թիմերի ուսումնամարզական գործընթացն իրականացնում են կենտրոնացված մարզումների միջոցով, ում հավաքական թիմերի անդամներն ունեն ավելի բարձր արդյունքներ և ամեն տարի մեդալներ են նվաճում աշխարհի և Եվրոպայի առաջնություններում և մեր երկիրը ներկայացնում օլիմպիական խաղերի ծրագրում ընդգրկված մարզաձևերում:

Այժմ ՀՀ հավաքական թիմի գլխավոր և ավագ մարզիչներից 16- ը վարձատրվում է: Եվս 28 մարզիկ պարգևավճար է ստանում: Նրանցից են Իսրայել Հակոբկոխյանը, Բենուր Փաշայանը, Արսեն Ջուլֆալակյանը, Նազիկ Ավդալյանը, Տիգրան Մարտիրոսյանը, Քրիստինե Նաջարյանը, Վլադիմիր Հակոբյանը, Յուրի Վարդանյանը, Ալբերտ Ազարյանը և ուրիշներ: 2015թ. պետբյուջեով նշված ծրագրին հատկացվել է մոտ 41 մլն դրամ: