Չինաստանում պայթյունի զոհերի թիվը հասել Է 50-ի, տուժել Է ավելի քան 700 մարդ

Չինաստանի հյուսիսի Տյանցզին նավահանգստային քաղաքի պահեստում պայթյունի զոհերի թիվը հասել Է 50-ի, եւս 700 մարդ հոսպիտալացվել Է տարբեր վնասվածքներով, նրանցից 71-ը օրհասական վիճակում են: Այդ մասին, ինչպես տեղեկացնում Է «Արմենպրես»-ը, օգոստոսի 13-ին հաղորդել Է «Սինհուա» գործակալությունը:

Զոհվածներից 12-ը հրշեջներ են, պատահարի վայրում աշխատող եւս շուրջ 36 հրշեջներ անհետ կորած են համարվում:

Օգոստոսի 12-ին տեղական ժամանակով ժամը 23:30-ին, 30 վայրկյան տարբերությամբ, Բիյանհայի շրջանում երկու հզոր պայթյուն Է որոտացել Ruihai Logistics լոգիստիկական ընկերության պահեստում, որտեղ պահվում Էին վտանգավոր նյութեր: Պայթյուններն այնպիսի ուժգնություն են ունեցել, որ դրանք գրանցել Է տեղի սեյսմոլոգիական ծառայությունը: Դրանց հզորությունը կազմել Է 3 եւ 21 տոննա տրոտիլին համարժեք: Հրատարակության աղբյուրի տվյալներով՝ նավահանգստում գտնվում Էին Volkswagen մակնիշի նոր ավտոմեքենաներ, որոնք ավելի վաղ ներմուծվել Էին ՉԺՀ: Հաղորդվում Է, որ հրդեհը ոչնչացրել Է 1065 Touar eg ավտոմեքենա, 770 Multivan, 391 Beetle, 251 Tiguan, ինչպես նաեւ Magotan, Up, Golf եւ Golf Sportsvan մոդելների տասնյակ ավտոմեքենաներ:

Քիմիական նյութերով թունավորվելու վտանգի կապակցությամբ Պեկինից հրդեհի մարման վայր են ժամանել քիմիական պաշտպանության գծով փորձագետներ: Հաղորդվում Է, որ վերջին պայթյունը տեղի Է ունեցել տեղական ժամանակով ժամը 15:00-ին (Երեւանի ժամանակով ժամը 11:00-ին): Դրանից հետո օդ Է բարձրացել սպիտակ ու դեղին գույնի ծուխ: Պատահարի վայրից 500 մետր հեռավորության վրա ծծմբի օքսիդի, ածխածնի մոնօքսիդի եւ ազոտի օքսիդի բարձր պարունակություն Է գրանցվել, հաղորդել Է ՏԱՍՍ-ը: