ՖԱՖ-ը կազմակերպում է երկրպագուների ուղևորություն Մակեդոնիա-Հայաստան ֆուտբոլային խաղին

Հայաստանի ազգային հավաքականը սեպտեմբերի 9-ին Մակեդոնիայի մայրաքաղաք Սկոպյեում անցկացնելու է Ազգերի լիգայում ամենակարևոր հանդիպումներից մեկը հիմնական մրցակցի` Մակեդոնիայի ընտրանու հետ։

Հայաստանի հավաքականի երկրպագուների «Առաջին հայկական ճակատ» (FAF) շարժման անդամները կազմակերպում են երկրպագուների ուղևորություն.

«Մրցավայր մեկնելու ենք ավտոբուսով անմիջապես Հայաստան-Լիխտեյնշտեյն խաղից հետո։ Ուղևորությունը կընթանա հետևյալ երկրներով՝ Վրաստան-Թուրքիա-Բուլղարիա-Մակեդոնիա։

Ունենալով ավտոբուսային ուղևորությունների հսկայական փորձ և 6 տարիների աջակցություն ազգային հավաականին արտագնա բոլոր պաշտոնական հանդիպումների ժամանակ` վստահ ենք՝ հերթական 3000 կմ-անոց բարդ մարտահրավերը կարող ենք հաջողությամբ հաղթահարել միասին և սատարել մեր հավաքականին»,- ասվում է FAF-ի տարածած հաղորդագրության մեջ:

Հաղորդվում է նաև, որ Մակեդոնիայում FAF-ին միանալու պատրաստակամություն են հայտնել հայ երկրպագուներ Հունաստանից, Բուլղարիայից, Գերմանիայից և այլ երկրներից։

«Կոչ ենք անում Մակեդոնիային մոտ երկրներում բնակվող մեր հայրենակիցներին հնարավորության դեպքում հասնել Սկոպյե՝ հավաքականին արժանի աջակցություն ապահովելու համար։

Ուղևորության ընթացքում կլինի 3-օրյա հանգիստ Ալբանական լավագույն ծովափնյա քաղաքում՝ Հիմարայում։ Մեկնելու ենք բարձրակարգ 50 տեղանոց Neoplan ավտոբուսով։ Ուղևորության արժեքն է` 290 $:

Մեկնումը` 06.09.2018, վերադարձը՝ 15.09.2018

Փաթեթը ներառում է ավտոբուսի տոմս,ապահովագրություն, Թուրքիայի վիզա /20եվրո/, Բուլղարիայի վիզա /35 եվրո/, Մակեդոնիայի վիզա /60 եվրո/, հոսթել Մակեդոնիայում ՝ 2 գիշեր, հյուրանոց Ալբանիայում՝ 2 գիշեր:

Խնդրում ենք շտապել ավտոբուսի տեղերը սահմանափակ են: ՈՒղևորությանը հնարավոր է մասնակցել նաև ինքնաթիռով։ Ամրագրումների կամ հարցերի դեպքում զանգահարել՝ 099227788»,- ասվում է FAF-ի տարածած հաղորդագրության մեջ: