Աշխատատեղերի ավելացման քայլեր մարզերում

Վաչագան Գևորգյանը ֆեյսբուքյան իր էջում գրում է .

Մարզերի զարգացումը օրակարգային է Հայաստանի պես երկրի համար, որտեղ արդյունաբերությունն ու գյուղատնտեսությունը համարվում են գերակա ճյուղեր:

Այս օրերին գործադիր մարմնի ղեկավարի կողմից տեղի են ունենում մարզային այցելություններ: Այդ այցելությունների նպատակներից մեկը աշխատատեղերի աելացումն է:

Գործադիրի ղեկավարը այցելել էր Ամուլսարի ոսկու հանքավայրնը որի հանքային իրավունքը պատկանում է «Լիդիան ինթերնեյշնլ» ընկերության հայաստանյան մասնաճյուղը հանդիսացող «Գեոթիմ» ընկերությանը:

Շրջայցի ընթացքում կառավարության ղեկավարին մանրամասներ էին ներկայացվել ծրագրի ներկա փուլի, բնապահպանական և սոցիալական ազդեցության գնահատման ընթացքի, պլանավորվող ներդրումների և ծրագրի շինարարական ու գործառնական փուլում ստեղծվելիք աշխատատեղերի վերաբերյալ:

Մասնավորապեսՙ սպասվող կապիտալ ներդրումների ծավալը կազմում է 426 մլն ԱՄՆ դոլար,որը պետական բյուջեն կարող է ավելացնել ևս մոտ 488 մլն ԱՄՆ դոլարով: Կարևոր է նաև աշխատատեղերի ստեղծումը: Շինարարության ընթացքում աշխատողների թիվը նախատեսվում է հասցնել 1300-ի,իսկ հանքի շահագործման ընթացքում՝ 770 մարդ ապահոված կլինի աշխատանքով:

Աշխատատեղերի ավելացում առկա է նաև Գնդեվազ համայնքում գործող «Էկոֆարմ» ՍՊԸ-ում: Խոշոր եղջերավոր կենդանիների բուծման, հում կաթի և պանրի արտադրության համար նախատեսված անասնապահական այս համալիրը հիմնադրվել է 2013 թ. սեպտեմբերին և հիմնականում ունի կաթի արտադրության ուղղվածություն: Համալիրը նախագծված է սննդի անվտանգության միջազգային ստանդարտի պահանջներին համապատասխան և տեխնիկական հագեցվածությամբ չի զիջում եվրոպական որակի և կառավարման չափորոշիչներին: Այն ունի 15 մշտական և 45 սեզոնային աշխատող, որոնց միջին աշխատավարձը կազմում է 100-120 հազ. ՀՀ դրամ:

Անկասկած, մարզերում գործազրկության ցուցանիշները շոշափելի եմ: Այս մասով նախատեսվում է ավելացնել աշխատատեղերը` տվյալ մարզերում առկա գործարանների և ֆաբրիկաների միջոցով: Կառավարությունը ֆինանասական աջակցություն է ցուցաբերում մարզերում գործունեություն ծավալող ընկերություններին` արտադրանքի ծավալներն ընդլայնելու և լրացուցիչ աշխատատեղեր ավելացնելու նպատակով: