Սպիտակ չեք ունենա, եթե չհամախմբեք բոլոր գույները, նույնիսկ սևը. Արմեն Սարգսյանը՝ քաղաքական դաշտը սև ու սպիտակի բաժանելու մասին
Քաղաքականություն
Մենք ունենք բազմաթիվ ձեռքբերումներ և, բնականաբար, ունենք բազմաթիվ թերացումներ, որոնք վաղը պետք է հաղթահարենք: Այս մասին լրագրողների հետ զրույցում ասաց ՀՀ նախագահ Արմեն Սարգսյանը՝ անդրադառնալով անկախության տոնին:
«Բայց այսօր ուրախության օր է, պետք է ուրախությամբ հիշենք մեծ հաղթանակները»,-ասաց նա և նշեց, որ չարժե խոսել մանր-մունր խնդիրներից: «Անկախության, ազատության զգացումները ժողովրդի ներսում միշտ եղել են, նույնիսկ խորհրդային տարիներին, նույնիսկ ամենավատ տարիներին՝ մինչև 1953 թվականներ»,-ասաց նա:
Ինչ վերաբերում է Երևանի ավագանու ընտրություններից առաջ քաղաքական դաշտը սև ու սպիտակի բաժանելուն, Արմեն Սարգսյանը նախ հարցրեց՝ պատասխանի փիլիսոփայորե՞ն, թե՞ ըստ էության: «Այդ դեպքում պատասխանեմ որպես ֆիզիկոս, դուք երկու գույն նշեցիք՝ սև և սպիտակ, իրականում սպիտակ գույնը մեկ գույն չէ. ֆիզիկան բոլորդ էլ անցել եք, սպիտակ գույնը բոլոր գեղեցիկ գույների համախմբվածությունն է, սպիտակ չեք ունենա, եթե չհամախմբեք բոլոր գույները, նույնիսկ սևը:
Նախագահը նշեց, որ կարող ենք ամենակարևոր ռադիկալ կարծիքներն ունենալ՝ նույնիսկ 180 աստիճանով տարբերվող, բայց պետք է հարգենք միմյանց, ունենանք հանդուրժողականություն՝ գումարած ազատություն, ազատություն՝ արտահայտվելու համար, հանդուրժողականություն՝ լսելու:
Ինչ վերաբերում է երեք նախագահների՝ տոնին մասնակցելուն հրաժարվելուն, նա, ասաց, որ հարցն իրեն ուղղված չէ:
Tert.am-ի հարցին, թե արդյոք կիսում է ՀՀ երկրորդ նախագահի մտահոգությունները արտաքին քաղաքական դաշտում, Արմեն Սարգսյանը նշեց. «Մտահոգություն ես միշտ ունեմ, որովհետև նախագահի պարտականություններից մեկը նաև այն է, որ անընդհատ պետք է մտահոգություններ ունենա, բայց ոչ թե պետք է իր ցանկացած զգացական մտահոգությունն արտահայտի, այլ մտածի երկրին նախապատրաստել վատթարագույն իրավիճակի համար»: Նա նշեց, որ երկրորդ նախագահին վերաբերող հարցերը պետք է տալ երկրորդ նախագահին:
1
2
3
4
5
1
2
3
4
5
2
3
