Լուսանկարներ «օրենքով գող» Պզոյի 50-ամյակի շքեղ արարողությունից` հայ հայտնիների մասնակցությամբ
Life
Asekose.am-ը գրում է.
Համացանցում հայտնվել են մեկ տարի վաղեմության լուսանկարներ «օրենքով գող» Պզոյի` Արմեն Ղազարյանի, 50-ամյակին նվիրված շքեղ տոնախմբությունից, ինչն էլ տևական ժամանակ դարձել էր լատվամիջոցների քննարկման առարկա: Համացանցում նաև քննարկվում էր, թե հայկական շոու բիզնեսի ներկայացուցիչներից ովքեր էին մեկնել ԱՄՆ՝ մասնակցելու խնջույքին` ուրախացնելով Պզոյին և ներկա հյուրերին:
Պզոյի 50-ամյակի ժամանակ արված մի քանի լուսանկարներից պարզ է դառնում, որ Թաթան, Արմենչիկը, Սիլվա Հակոբյանը, Արման Հովհաննիսյանը, Սուպեր Սաքոն մասնակցել են տվյալ խնջույքին:
Նշենք նաև, որ, ըստ մամուլի հրապարակումների, հանդիսավարուհու դերում հանդես է եկել Գայանե Ասլամազյանը:
Հիշեցնենք, որ վերջին շրջանում` Երրորդմասցի Լյովիկի (Լևոն Ղազարյան) սպանությունից հետո, «օրենքով գող» Պզոյի անունը հայկական լրատվամիջոցներում կրկին հաճախ էր շրջանառվում: Ըստ տեղեկությունների` Պզոն Երրորդմասցի Լյովիկի հոր հորեղբոր որդին է, ավելին` նշվում էր, թե վերջինիս սպանության վրեժը լուծելու համար պետք է ԱՄՆ-ից ժամաներ Հայաստան:
Հավելենք, որ Նյու Յորքի Դաշնային դատարանը ամերիկաբնակ Պզոյին 2010-ին դատապարտել է 37-ամսյա ազատազրկման: Սկզբում նրան սպառնում էր 64 տարվա ազատազրկում, սակայն հետագայում, երբ նա ընդունել էր մեղքը, մեղադրողը նրա համար շատ ավելի մեղմ պատիժ էր պահանջել: Արմեն Ղազարյանն այժմ ազատության մեջ է:
1
2
4
5
2
3
5
1
2
3
4
5
