Գազի սակագնի իջեցման մասին դեռ վաղ է խոսել. վարչապետ Փաշինյանի խորհրդական
Հասարակություն
Հայ-ռուսական հարաբերությունները շարունակում են հաջող զարգանալ բոլոր ոլորտներում․ Մոսկվայից տեսակամուրջի միջոցով լրագրողների հետ հանդիպմանն այսպես ասաց ՀՀ վարչապետ Նիկոլ Փաշինյանի գլխավոր խորհրդական Արսեն Գասպարյանը՝ անդրադառնալով երկու երկրների հարաբերությունների զարգացման օրակարգին:
«Ներկայումս գլխավոր առաջնահերթությունը երկու երկրների հարաբերությունների օրակարգը նոր նախաձեռնություններով, նախագծերով հարստացնելն է, եվրաինտեգրման գործընթացը առաջ տանելն է: Եվ դա ոչ միայն վարչապետ Նիկոլ Փաշինյանի և իր թիմի տեսլականն է, դա նաև մանդատ է՝ հայ ժողովրդից ստացած, որովհետև վերջին բազմահազար հանրահավաքի ժամանակ՝ իր կառավարման 100 օրվա առիթով, նա մեկ անգամ ևս ներկայացրեց Ռուսաստանի հետ մեր հարաբերությունների զարգացման անհրաժեշտությունը»,- ասաց նա։
Վերջինս ընդգծեց, որ հունվարից մինչև հուլիս երկու երկրների միջև ապրանքաշրջանառության ծավալները մեծացել են ավելի քան 20 տոկոսով, Հայաստանից արտահանումը ևս նախորդ տարիների համեմատ, ըստ նրա, մեծանում է:
Արսեն Գասպարյանը նաև մատնանշեց, որ Հայաստանի համար կարևոր է տարածաշրջանային խաղաղությունն ու կայունությունը, և այդ համատեքստում հայ-ռուսական մեծամասշտաբ համագործակցության արդյունքում հայկական զինված ուժերի ներկայացուցիչները կլինեն Սիրիայում:
Անդրադառնալով Հայաստան ներմուծվող ռուսական գազի սակագնի հնարավոր իջեցմանը՝ Արսեն Գասպարյանը նշեց, որ, իհարկե, այդ և ընդհանրապես էներգետիկ համագործակցության հարցերը մշտապես քննարկման առարկա են: «Հիմա էլ դեռ հարցը քննարկման փուլում է, և սակագնի իջեցման մասին խոսելը, կարծում եմ, դեռ վաղ է»,- ասաց նա:
1
2
3
4
5
2
3
4
1
2
3
4
5
