Կեղտոտ քարոզչության և անբովանդակ մեղադրանքների գործելաոճը վերջնականապես կկործանի մարգինալ ուժերին
ՀասարակությունՀասմիկ Վարդանյանը ֆեյսբուքյան իր էջում գրում է.
Հայաստանյան ներքաղաքական իրավիճակը, երբ քաղաքական ուժերից մեկը, ընտրությունների արդյունքում բացահայտ դոմինանտություն ստացավ, մի շարք մարգինալ ուժեր, արտահերթ խորհրդարանական ընտրությունների շեմին, կրկին անգամ դաշտ վերադառնալու հնարավորություն տեսնելով, փորձում են հաճոյանալ դոմինանտ ուժին և իրենց ռեսուրսները ծառայեցնում են այդ գործընթացի կայացմանը:
Ակներևն այս դեպքում առայժմ միայն մեդիառեսուրսն է ի դեմս լրատվական կայքերի: Բնականաբար դաշտին ծանոթ մարդն անմիջապես կնկատի լրատվականի փոփոխական ուղղվածությունը և դատելով այնտեղ զետեղված նյութերից, հնարավոր է ենթադրություններ անել:
Hayastan24.com կայքը, որն իմիջայլոց հավաստի տեղեկությունների համաձայն պատկանում է ՀԱԿ նախկին պատգամավոր Լևոն Զուրաբյանի կնոջը՝ Շողեր Մաթևոսյանին, ինչ-որ անորակ ու անբովանդակ, զուրկ որևէ ասելիքից պրոյեկտ է մշակել, որով համ կեղտոտ ձևով հարվածում է դաշտում գործունեություն ծավալող հայտնի ուժերին ու գործիչներին, համ էլ այսպես ասած ձեռքի հետ գովերգում են դոմինանտ ուժին, այդկերպ խոնարհելով իրենց գլուխները:
Ինչևէ կեղտոտ քարոզչության և անբովանդակ մեղադրանքների գործելաոճը, կայքի սեփականատերերի նախաձեռնությունն է թե ոչ առաջիկայում պարզ կլինի, սակայն մեկ կարևոր հանգամանք կա այս դեպքում, միթե՞ նպատակահարմար է տուրք տալ նման հնացած ու փտած արժեհամակարգ կրող անձանց մղումներին: Բնականաբար ոչ, դրանց հարկավոր է մերժել և ստիպել, որպեսզի ադեկվատ և օբյեկտիվ գործելաոճ որդեգրեն:
Տեսեք, բացի վերոնշյալը, սույն կայքը լիաթոք ծիծաղելու ևս մեկ առիթ է տվել, քանի որ հաղորդումները վարում է մի մարդ, ով գյումրեցու ասած «քիչմ սայլուգ է» հերիք չի, մի բան էլ լեզվի և հստակ արտահայտվելու հետ կապված խնդիրներ ունի և նման մարդու սեփական կայքի դեմքերից վերածելուց առաջ, գոնե մի պահ պետք է մտածել, ինչ հասարակական տրամադրություններ կառաջանան, այդ դեֆորմացված կերպարին էկրաններից տեսնելիս: Հասկանալի է, որ էսթետիկության և ականջահաճո լինելու տեսանկյունից, հասարակական տրամադրություների գերակշիռ մասը, եթե ոչ ամբողջը, բացասական է լինելու: Տվյալ հաղորդավարն իր գոյության ողջ ընթացքում միշտ գտնվել է իր կողմից քննադատված քաղաքական առաջնորդների սոցցանցային հարթակի համակիրների հայհոյախառն վիրավորանքների ներքո և նրա համար ինքնասիրություն և արժանապատվություն ասվածը, հարաբերական հասկացողություններ են և բնավ ոչ առաջնային, ըստ այդմ նման կեղտոտ գործը հենց նրա նման անինքնասերներին է վստահվում, որպեսզի գործը մինչև վերջ անեն: Լավ միթե քաղաքական վայրիվերումները ազդակ չէին, որպեսզի նախկին կեղտոտ գործելաոճ որդեգրածները ռեստավրացվեին և ավելի ցիվիլ ու գրագետ կերպով ներկայանային, սկսած այն քաղաքական ուժից, որին սպասարկում է այս կայքը, վերջացրած հենց կայքով և սեփականատերով: Այլևս մեկ բան հստակ է, որ նման գործելաոճը հանգեցնում է կործանման, և մի ամբողջ տասնամյակ ամուր կանգնած, արմատացած քաղաքական ուժը, հենց նման գործելաոճի պատճառով քանդվեց և չկարողացավ վերականգնվել, էլ ուր մնաց ինչ-որ երրորդական-չորրորդական ուժ կարողանա դրանով կայանալ և հաճոյանալ:
Դե ինչ, հուսանք այս ամենից հետևություններ կանեն համապատասխան մարդիկ և կայացած ու կենսունակ քաղաքական ուժի կամ նրա առաջնորդի մասին արտահայտվելիս, շատ ավելի զգուշավոր կգնտվեն, հակառակ դեպքում այս կայքը հովանավորողներին ստիպված ենք լինելու հիշեցնել իրենց անփառունակ անցայլն ու խղճուկ ներկան:
1
2
3
4
5
2
3
4
1
2
3
4
5
