«Միլանը» մեծագույն թիմ չէ. Ջենարո Գատուզո
Սպորտ«Միլանի» գլխավոր մարզիչ Ջենարո Գատուզոն Իտալիայի առաջնության 6-րդ տուրի՝ «Էմպոլիի» հետ հանդիպման (1:1) վերաբերյալ իր մեկնաբանությունն է տվել.
«Մենք երկու խաղակեսում էլ շատ պահեր ստեղծեցինք, սակայն հետո սխալ թույլ տվեցինք, շատ կարևոր սխալ: Պետք է մինչև վերջ ճնշեինք մրցակցին, քանի որ բավականին լավ էինք հանդես գալիս Գոնսալո Իգուայինի նման կարևոր ֆուտբոլիստի բացակայության պայմաններում:
Հույս ունենք՝ նա կկարողանա մասնակցել «Սասուոլոյի» հետ կիրակի կայանալիք խաղին: Բժիշկը պետք է գնահատի Իգուայինի վիճակը:
Կրկին ստիպված ենք ասել, որ արդյունքի հետ կապված մեր բախտը չբերեց, սակայն պետք է առաջ շարժվենք և աշխատենք գրոհները ճիշտ եզրափակելու համար: Երբ դուք անընդհատ սխալներ եք թույլ տալիս, կորցնում եք սեփական ուժերի նկատմամբ վստահությունը:
Հիմարություն կլինի դա հերքելը: Մենք պետք է ուշքի գանք: «Միլանը» մեծագույն թիմ չէ, իսկ դրան ավելանում է նաև այն, որ արդյունավետ չենք: Պետք է առաջընթաց գրանցենք, աշխատենք մեր սխալների վրա»,- Գատուզոյի խոսքը մեջբերել է «Football Italia»-ն:
Հավելենք, որ այժմ «Միլանն» ունի 6 միավոր և զբաղեցնում է Ա Սերիայի մրցաշարային աղյուսակի 14-րդ հորիզոնականը:
1
2
3
4
5
1
2
3
4
1
2
