Մարզային այցերին հետևեցին գործնական լուծումները

Բարձրացվել էին մարզի կենսական կարևորություն ունեցող և առաջնահերթ լուծում պահանջող խնդիրները: Քննարկվել էին ճանապարհաշինության, գյուղատնտեսության, բերքահավաքի կազմակերպման, բերքի մթերման խնդիրները, ինչպես նաև գործարար շրջանակներում հանդիպող բարդությունները: 

Այցի ընթացքում առանձնակի ուշադրություն է դարձվել մարզերի մանկապարտեզների ու դպրոցների նորոգմանն ու շինարարությանը, ինչպես նաև համայնքների ճանապարհային ցանցի բարեկարգման խնդիրներին: Վարչապետը տեղում ծանոթացել է բնակչությանը հուզող հարցերին և խոստացել, հրատապ լուծում պահանջող խնդիրներին կարճ ժամանակում լուծում տալ:

Մարզերի տնտեսական ակտիվացումը կառավարության գերակա խնդիրներից է, և զարգացման տեմպերը ապահովելու նպատակով անհրաժեշտ կլինի իրականացնել մի շարք հիմնարար միջոցառումներ, որոնց մեջ էական դեր կխաղա ինչպես պետական, այնպես էլ, մասնավոր ներդրումների վերաուղղումը Երևանից դեպի մարզեր: 
Այսօրվա նիստին համայնքային խնդրիների լուծմանն ուղղված որոշումները մարզային այցի գործնական արդյունքն է: