Ֆրանսիայում հայտնաբերվել է ամենափնտրվող գանգստերը, որը փախուստի էր դիմել բանտից ուղղաթիռով
Միջազգային
Ֆրանսիական ոստիկանությանը հաջողվել է բռնել երկրի ամենափնտրվող գանգստերին՝ կրկնահանցագործ Ռեդուան Ֆաիդին, որը փախուստ էր կատարել բանտից առևանգված ուղղաթիռով, գրում է korrespondent.net-ը:
Հայտնի է, որ նրան հայտնաբերել են Փարիզից հյուսիս, նրա հետ եղել են իր եղբայրը, ևս երկու տղամարդ ու մի կին, վերջիններս նույնպես ձերբակալվել են:
Ձերբակալվածների մոտ գտնվել է երկու ատրճանակ:
Նշվում է, որ իրավապահներն իմացել են նրանց գտնվելու վայրի մասին, սակայն սպասել են հատուկ գործողության ձեռնարկման համար հարմար պահի:
Հայտնի է, որ հատուկ գործողությանը մասնակցել է շուրջ 50 ոստիկան, հրազեն չի կիրառվել:
46-ամյա Ֆաիդն ավելի վաղ ինքն իրեն անվանել էր գանգստերային ֆիլմերի հետևորդ, որոնցից էլ նա սովորել է կողոպուտներ ու այլ հանցագործություններ կատարել: Առաջին անգամ նա ձերբակալվել է 1998 թվականին՝ զինված կողոպուտի համար:
2013 թվականի ապրիլի 13-ին փախուստի ժամանակ նա պատանդ էր վերցրել բանտի 4 աշխատակցի և պայթեցրել բանտի 5 դուռ, այնուհետ մեքենան նստել ու թաքնվել: նա կատարել է նաև այլ հանցագործություններ:
1
2
3
4
5
3
4
5
1
2
3
4
5
